Shymkentte baǵdarshamda turǵan 11 jeńil kólikti «KamAZ» soqty

ShYMKENT. QazAqparat – Shymkentte baǵdarshamda turǵan 11 jeńil kólikti «KamAZ» kelip soqqan. Saldarynan 4 adam jaraqat alyp, aýrýhanaǵa jetkizildi, dep habarlaıdy QazAqparat tilishisi.

Qalalyq Polıtsııa departamenti baspasóz qyzmetiniń málimetinshe, jol-kólik oqıǵasy 4 jeltoqsan kúni saǵat shamamen 18:30-da Táýke han dańǵyly men Shalǵyndy kóshesiniń qıylysynda bolǵan.

Júk kóligi júrgizýshisiniń aıtýynsha, ol rýlge ıe bola almaı qalǵan.

«Táýke han dańǵylynyń boıynda jol belgileriniń barlyǵy ornatylǵan. Syzbalary syzylyp, jol tegistelgen. Sondyqtan bul jerde jol-kólik oqıǵasyn týdyratyn eshqandaı sebep joq», - deıdi qalalyq PD Jergilikti polıtsııa basqarmasynyń bastyǵy Muhtar Buharbaev.

Qazirgi tańda «KamAZ» júrgizýshisine tıisti saraptamalar taǵaıyndalyp, oqıǵanyń mán-jaıy anyqtalýda.