+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Shymkentte alǵashqy «Parasattylyq» basqarmasy ashyldy

2019 jylǵy 10 jeltoqsan 15:46
Bólisińiz:
Shymkentte alǵashqy «Parasattylyq» basqarmasy ashyldy

ShYMKENT. QazAqparat – Shymkenttegi M.Áýezov atyndaǵy Ońtústik Qazaqstan memlekettik ýnıversıtetinde «Parasattylyq» basqarmasynyń saltanatty túrde ashylýy ótti, dep habarlaıdy QazAqparat tilshisi.

Sharaǵa Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti basshysynyń birinshi orynbasary T.Serikbaev pen ýnıversıtet rektory D.Qojamjarova, «Shymkent – adaldyq alańy» jobalyq keńesiniń basshysy E.Tólebaev pen qala ákimdiginiń ókilderi, oqytýshylar men stýdentter qatysty

Ashylý saltanatynda sóz sóılegen departament basshysynyń birinshi orynbasary T.Serikbaev sharany uıymdastyrýshylarǵa alǵysyn bildire otyryp, Parasattylyq basqarmasynyń sybaılas jemqorlyqtyń aldyn alý men parasattylyq mádenıetin qalyptastyrý maqsatynda ashylǵanyn atap ótti.

«Eń áýeli sybaılas jemqorlyqtyń saldarymen kúresý emes, onyń aldyn alýdyń jolyn árbir qazaqstandyq óz otbasynda dáriptese, qoǵam dertine qarsy ımmýnıtetti de nyqtaǵan bolar edik. Búgingi sizderdiń Ýnıversıtterińizde ashylǵan «Parasattylyq» basqarmasy jáne basqa da jobalar sybaılas jemqorlyqqa qarsy is-qımylda birlesken jumysymyzdy odan ári kúsheıtýge septigin tıgizedi», - dedi departament basshysynyń birinshi orynbasary.

Óz kezeginde ýnıversıtet rektory D.Qojamjarova atalǵan basqarmanyń óskeleń urpaqty adaldyq qaǵıdattaryna tárbıeleý men sybaılas jemqorlyqqa qarsy menedjment júıesin damytý jáne engizý jónindegi jobany júzege asyrý baǵytyn ustanatynyn atap ótti.

«Bilim berý salasy tek bilim berýmen shektelmeıdi, oqý oryndary qazirgi jastardyń boıynda rýhanı jáne mádenı qundylyqtardy qalyptastyratyn, ǵylymı izdenisterge jol salatyn, adal jáne ádepti bolashaq maman daıarlaıtyn orta bolyp tabylady» - dedi D.Qojamjarova.

Aıta keteıik, jańadan ashylǵan basqarma «Shymkent – adaldyq alańy» jáne «Sanaly urpaq» jobalyq keńselerimen, Sybaılas jemqorlyqqa qarsy is-qımyl agenttiginiń Shymkent qalasy boıynsha departamentimen, Shymkent qalasynyń ákimdigimen tyǵyz jumys júrgizetin bolady. Al, elimizdiń barlyq bilim berý mekemelerinde «Parasattylyq mektepteri» ashylýda.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT