+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Shymkentte áleýmettik qyzmetter portaly iske qosylady

2019 jylǵy 10 jeltoqsan 12:21
Bólisińiz:
Shymkentte áleýmettik qyzmetter portaly iske qosylady

ShYMKENT. QazAqparat – Shymkentte áleýmettik qyzmetter portalyn engizýge daıyndyq jumystary júrgizilýde. Bul týraly búgin qalalyq jumyspen qamtý jane aleýmettik qorǵaý basqarmasynyń basshysy Ǵalymjan Baltaev málimdedi, dep habarlaıdy QazAqparat tilshisi.

Uqsas jańalyqtar
Qazaqstandyqtar áleýmettik-eńbek salasynda memlekettik qyzmet kórsetý sapasyna jaqsy baǵa berdi Qaı sanattaǵy azamattar kásipkerlik grantty «Bastaý-bıznesti» oqymaı ala alady Berdibek Saparbaev: Bizdiń negizgi ustanymymyz - kópbalaly otbasylardy qoldaý

Basqarma basshysynyń sózinshe, keler jyldan bastap múgedekter osy portal arqyly ońaltý quraldary men arnaıy qyzmetterge óz betinshe tapsyrys bere alady. Bul quraldardyń qatarynda protezdik-ortopedııalyq, sýrdotehnıkalyq, tıflotehnıkalyq jáne gıgıenalyq, kreslo-arbalar bar. Sondaı-aq, jarymjan jandar jeke kómekshi, ymdaý tili mamandary jáne sanatorıı-kýrorttyq emdeý qyzmetterine qajettiligin de jetkize alady.

«Búgingi kúni ońaltýdyń tehnıkalyq quraldary men qyzmetterin alýǵa múgedektik belgilengen sátten bastap 8 aıǵa deıin ýaqyt jumsalady. Bul memlekettik satyp alý rásimin ótkizýdiń uzaqtyǵyna baılanysty. Sondyqtan tender júıesi múgedekterge múldem kelmeıdi. Jyl saıyn olar qyzmet kórsetý men medıtsınalyq buıymdar sapasynyń nasharlaýyna jıi shaǵymdanady. Portaldy engizý ońaltý qyzmetterine qajettilikti jasyryn esepke alý faktoryn boldyrmaýǵa múmkindik beredi. Eń bastysy, ońaltý qyzmetteri men quraldarynyń olardy alýshylardyń jeke qajettilikterine sáıkes kelmeý problemalaryn sheshedi, óıtkeni múgedektigi bar adamdar taýardyń jáne qyzmettiń qajetti túrin óz betinshe tańdaı alady»,- deıdi Ǵalymjan Baltaev.

Sala mamandarynyń sózinshe, portaldy engizý nátıjesinde ońaltýdyń tehnıkalyq quraldaryn usyný men arnaýly áleýmettik qyzmet kórsetýdiń bıznes-protsesteriniń merzimderi olardy taǵaıyndaýdyń belsendi formaty arqyly 8 aıdan 1-2 aptaǵa deıin qysqarady. Múgedektigi bar azamattardyń tilekterine sáıkes ońaltýdyń tehnıkalyq quraldary men qyzmetteriniń belgilengen qunyn óteý tetigi kózdelgen. Bul portalda qymbat taýarlar men qyzmetterdi tańdaý kezinde qosymsha aqyny júzege asyrý fýnktsııasy qoljetimdi bolady degendi bildiredi. Sonymen qatar, sertıfıkattalǵan mamandardyń neǵurlym keń aýqymy qoljetimdi bolady. Al, medıtsınalyq-áleýmettik mekemelerdiń biryńǵaı tiziliminde jaraqtandyrylýy men júktelýi eskeriledi.

«Portal ońaltý quraldary men qyzmetterine teń qoljetimdilikti, úıden shyqpaı-aq «bir tereze» arqyly ýaqytyly áleýmettik kómek kórsetýdi, sondaı-aq jeke qajettilikterdi, ónim berýshiler, áleýmettik qyzmetkerler men mamandar týraly málimetterdi esepke alýdy qamtamasyz etedi. Bul adal básekeni arttyrýǵa múmkindik beredi jáne áleýetti ónim berýshilerdiń ońaltý quraldary men qyzmetterin iske asyrýǵa qatysýynyń ashyqtyǵyn qamtamasyz etedi»,- deıdi qalalyq jumyspen qamtý jane aleýmettik qorǵaý basqarmasy bólim basshysynyń mindetin atqarýshy Áıgerim Shernııazova.

Aıta keteıik, atalǵan portal pılottyq rejımde Aqtóbe qalasynda iske qosylǵan. Aldaǵy ýaqytta resýrsty Qazaqstannyń barlyq qalalarynyń turǵyndary paıdalana alady dep josparlanýda. Ol 400 myńnan astam paıdalanýshy men 200 myń ónim berýshini qamtıdy.

Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT