+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Shymkentte 5G mobıldi baılanysy testtik synaqtan ótedi

2019 jylǵy 1 qazan 10:23
Bólisińiz:
Shymkentte 5G mobıldi baılanysy testtik synaqtan ótedi

NUR-SULTAN. QazAqparat - Bıyl Shymkentte 5G mobıldi baılanysy testtik synaqtan ótedi. Bul týraly búgin Úkimet otyrysynda Qazaqstannyń eldi mekenderinde keń jolaqty Internetti damytý jóninde baıandaǵan QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.

Uqsas jańalyqtar
Mınıstr 5G jelisiniń Qazaqstan aýmaǵynda tolyq qashan iske qosylatynyn aıtty 5G tehnologııasyn engizýge Úkimetten qarajat bóline me Qazaqtelekom 5G tehnologııasyn testileý nátıjesin jarııa etti

«Internet jelisiniń jumys isteý sapasyn jaqsartý maqsatynda mınıstrlikpen baılanys jelisiniń sapasy tómen jerlerdi anyqtaý barysynda ólshem jumystary júrgiziledi. Baılanys sapasy nashar qamtylǵan aımaqtarda qosymsha bazalyq stansalardy ornatý máseleleri ákimdikter jáne baılanys operatorlarymen pysyqtaldy. Mysaly, Býrabaı kýrorttyq aımaǵy jáne Nur-Sultan qalasy aýmaǵynda ákimdiktermen birge machtalar salý oń sheshimin tapty. Bul machtalardy jeke kásipkerler salady. Al baılanys operatorlary uıaly baılanys bazalyq stansalaryn ornatady. Osyndaı jumystar Almaty jáne Pavlodar ákimdikterimen de júrgizilý bastaldy. Osy bastamaǵa basqa da oblys ákimdikterine at salysýdy usynamyz», - dedi Asqar Jumaǵalıev.

Sonymen qatar ol Qazaqstanda jańa tehnologııalardy engizý boıynsha jumystar júrgizip jatqanyn aıtty.

«Prezıdenttiń tapsyrmasyna sáıkes mınıstrlik Qazaqstanda 5G jelisin engizý boıynsha jumystar atqarýda. Osy oraıda, Jol kartasy bekitildi. 5G mobıldi baılanysynyń testtik synaǵy Nur-Sultan qalasynda ótkizildi. Sonymen qatar, synaq jumystary Almaty qalasynda júrgizildi jáne qazan aıynda Shymkent qalasynda ótkizý josparlanyp otyr. Synaq nátıjesinde tehnologııanyń zattar Internetin, telemedıtsına, ónerkásipti, taý-ken óndirisin tsıfrlandyrý jáne «aqyldy» qalalardy damytýǵa múmkindikter beretini anyqtaldy«, - dedi ol.

Onyń atap ótýinshe, 5G tehnologııasyn engizý úshin tartylatyn ınvestıtsııalar kólemi úlken bolǵandyqtan, 1-kezeńde bul tehnologııany engizý respýblıkalyq mańyzy bar Nur-Sultan, Almaty, Shymkent qalalarynda uıymdastyrý josparlanǵan.

»2021 jyldyń aıaǵyna deıin Nur-Sultan qalasynda Nazarbaev ýnıversıteti men EKSPO-da, al 2022 jyly aeroport pen vokzalda, saýda oryndary men alańdarda 5G tehnologııasyn engizý josparlanýda. Odan ári 2023 jyldan bastap barlyq oblys ortalyqtarynda engizý jumystary júrgiziledi. Osylaısha, joǵaryda atalǵan jobalardy oryndaý jumystarynyń nátıjesi boıynsha 2022 jyldyń sońyna deıin Qazaqstan Respýblıkasy halqynyń 97 paıyzy keń jolaqty Internet jelisimen qamtylady. Qalǵan 3 paıyzyn spýtnıktik tehnologııany qoldaný múmkindigi qamtamasyz etedi«, - dedi mınıstr.

A.Jumaǵalıevtiń aıtýynsha, Internet jelisine qoljetimdilikti aýyldyq jerlerde arttyrý, «Tsıfrlyq Qazaqstan» memlekettik baǵdarlamasy boıynsha elektrondyq densaýlyq saqtaý, elektrondyq qyzmet kórsetý, jáne basqa jobalardy iske asyrý úshin negiz bolyp sanalady.

«Bul qala men aýyl arasyndaǵy tsıfrlyq alshaqtyqty qysqartýǵa yqpal etedi. Halqymyzǵa tsıfrlyq tehnologııalardy qoldanýǵa tolyqtaı múmkindik berip, Qazaqstan Respýblıkasy ekonomıkasyn damytýǵa óz yqpalyn tıgizetinin bolady», - dedi ol.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT