Shymkentte 32 myń otbasyna «Ramazan qorjyny» taratyldy
2022 jylǵy 1 mamyr 17:33

Shymkentte 32 myń otbasyna «Ramazan qorjyny» taratyldy

ShYMKENT. QazAqparat- Shymkentte qasıetti Ramazan aıynda ótken «Ramazan qorjyny» is sharasy qorytyndylandy, dep habarlaıdy QazAqparat tilshisi.

Shymkent qalasy ákimdigi men ortalyq meshit jamaǵaty qolǵa alǵan ıgi is aıasynda 32 000 otbasyna «Ramazan qorjyny» taratyldy.

Kún saıyn estafeta túrinde jalǵasqan is- shara aıasynda muqtaj otbasylarǵa aýyzashar ornyna azyq-túlik salynǵan sebetter berildi.

Onyń ishinde kúrish, qant, ósimdik maıy, shaı, un, makoron, táttiler, qurma jáne basqa taýar túrleri bar.

«Qala kásipkerleri men qala ákimdiginik qoldaýymen kóptegen ıgi ister júzege asty. «Ramazan qorjyny», «Ramazan táttisi», «Aýyzashar sebeti» is-sharalary uıymdastyryldy. Odan bólek, bir otbasyna páter syıladyq. 50 000 astam turǵynǵa aýyzashar berildi. Sondaı-aq, «Balyq berme, qarmaq ber» qaǵıdasy negizinde bir kelinshekke tigin mashınasyn alyp berdik. Ol kásip ashyp, tabys tabýdy josparlap otyr»,- deıdi Shymkent qalasynyń bas ımamy Baqdáýlet Nurmatuly.

Aıta keteıik, «Ramazan qorjyny» sharasy týraly biz buǵan deıin de jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT