Shymkentte 14 myńnan astam medıtsına qyzmetkeriniń jalaqysy ósti

ShYMKENT. QazAqparat – Shymkenttegi medıtsınalyq uıymdarda maýsym aıynan bastap 14 382 qyzmetkerdiń jalaqysy 30 paıyzǵa artqan. Bul týraly qalalyq Densaýlyq saqtaý basqarmasynyń basshysy Ashan Baıdývalıev málimdedi, dep habarlaıdy QazAqparat tilshisi.

Uqsas jańalyqtar

Pavlodarda jańa stýdentter jataqhanasy paıdalanýǵa beriledi

Basqarma basshysynyń sózinshe, eshqandaı sanaty joq medbıkeniń jalaqysy 94 095 teńgeden 122 323 teńgege deıin ósip otyr. Al eń joǵary sanaty bar dárigerler 159 271 teńge kóleminde jalaqy alady. Sondaı-aq, megapolıste aǵymdaǵy jyly densaýlyq saqtaý salasyna barlyq deńgeıdegi bıýdjet esebinen 46,3 mlrd teńge bólingen.

«Qazirgi ýaqytta basqarma tarapynan medıtsınalyq uıymdardy kompıýterlik tehnıkamen 100% jabdyqtaý úshin ashyq konkýrs jarııalandy. Bul tez arada Halyqqa qyzmet kórsetýdiń sandyq formatyna kóshýge múmkindik beredi. Joba quny 650 mln teńgeni quraıdy. Jeke seriktes ashyq konkýrstyń qorytyndysy boıynsha anyqtalady. Al, memlekettik-jekeshelik áriptestik aıasynda jobalardyń jalpy somasy 13,05 mlrd teńgege jetti», - dedi Ashan Baıdývalıev.