Shymkent ákimdigin basyp alý áreketinde 20 adam qaza tapty - prokýratýra
2022 jylǵy 19 sáýir 12:44

Shymkent ákimdigin basyp alý áreketinde 20 adam qaza tapty - prokýratýra

NUR-SULTAN. QazAqparat – Qańtar oqıǵasy kezinde Shymkentte polıtseılerdiń ómirine naqty qaýip tóngennen soń, atys qarýyn qoldaný týraly sheshim qabyldandy. Bul týraly QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

Ol 2022 jylǵy qańtardyń 5-inen 6-yna qaraǵan túni Shymkent qalasynyń ákimdiginiń ǵımaratyna qarýly shabýyl bastalǵanyn aıtty

«Qoǵamdyq qaýipsizdikti saqtaýdy qamtamasyz etýge polıtsııa qyzmetkerleri jumyldyryldy, olar 3000-nan astam adamnan turatyn agressıvti toptyń shabýylyna tosqaýyl qoıý kerek bolǵan. Olardyń kópshiligi atys qarýlarymen boldy. Polıtsııa qyzmetkerleri tek rezeńke oq pen jaryqty-dybysty granatalaryn paıdalandy. Alaıda, kórsetilgen is-sharalar qylmyskerlerdi toqtatpady, kerisinshe olardyń jazalanbaý senimin arttyrdy. Tek 3 qarýly shabýyldan keıin jáne qyzmetkerlerdiń ómirine naqty qaýip tóngennen soń, atys qarýyn qoldaný týraly sheshim qabyldandy. Nátıjesinde, shabýyl jasaǵan 20 adam qaza tapty», - dedi Bas prokýratýra ókili Ortalyq kommýnıkatsııalar qyzmetinde.

Budan bólek ol Almaty qalasynda 4 kúdikti adam ustalǵanyn aıtty.

«Olar áleýmettik jeliler arqyly armatýra kesindilerin daıyndaý jáne qıratýshylar ornalasqan jerge tasymaldaý týraly nusqaýlar alǵan. Qazirgi ýaqytta olardyń úılestirýshilerin anyqtaý boıynsha jumystar júrgizilýde. Kún saıyn qylmystyq qýdalaý organdary bolǵan oqıǵalardyń, sonyń ishinde adamdardyń qaza bolýyna baılanysty mán-jaılardy qalpyna keltirýde», - dedi E. Qılymjanov

Budan buryn habarlanǵandaı, qańtar oqıǵasyna qatysty sot sanktsııalarymen 627 kúdikti adam qamaýda otyr.

Sonymen qatar, Taldyqorǵanda memlekettik nysandardy basyp alý qatysýshylaryn qarjylandyrǵandar anyqtaldy.


Seriktester jańalyqtary

Jańalyqtar

Úrdis

MURAǴAT