Jańalyqtar  >
Shyǵys Qazaqstannyń eki aýylynda ákimder saılaýy ótti
2022 jylǵy 15 tamyz 14:53

Shyǵys Qazaqstannyń eki aýylynda ákimder saılaýy ótti

ÓSKEMEN. QazAqparat – 14 tamyzda Zaısan aýdanynyń Daıyr jáne Birjan aýyldyq okrýgteri ákimderiniń saılaýy ótti, dep habarlaıdy QazAqparat tilshisi.

Jergilikti saılaý komıssııasynyń aqparatyna sáıkes, Daıyr aýyldyq okrýgi boıynsha saılaýǵa 981 turǵyn qatysqan. Onyń qorytyndysy boıynsha atalǵan eldi mekenniń ákimi bolyp Toıbazarov Asqar Tursynǵalıuly saılandy.

Asqar Toıbazarov 1981 jyly týǵan. Ol buǵan deıin Daıyr aýyldyq okrýginiń veterınarııalyq pýnkt meńgerýshisi qyzmetin atqarǵan. Saılaýǵa «AMANAT» saıası partııasynyń atynan usynylǵan.

Al, Birjan aýylyndaǵy saılaýǵa 316 azamat qatysqan. Onyń nátıjesi boıynsha okrýg ákimi bolyp Myramytov Mereke Esenuly saılandy.

Mereke Myramytov 1989 jyly týǵan. Bul ýaqytqa deıin Zaısan aýdany ákiminiń kómekshisi laýazymynda eńbek etken. Saılaýǵa «AMANAT» saıası partııasynyń atynan usynylǵan.

Zaısan aýdandyq saılaý komıssııasynyń deregine saı, eki ákim búginnen bastap qyzmetine kirsti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT