Shyǵys Qazaqstanǵa 354,3 myń tonna kómir jetkizildi
2022 jylǵy 11 tamyz 21:31

Shyǵys Qazaqstanǵa 354,3 myń tonna kómir jetkizildi

ÓSKEMEN. QazAqparat – Shyǵys Qazaqstan oblysynyń turǵyndary úshin 354,3 myń tonna kómir jetkizildi, dep habarlaıdy QazAqparat tilshisi.

ShQO Energetıka jáne TÚKSh basqarmasynyń málimetinshe, óńirde jylý maýsymyna daıyndyq jumystary bekitilgen kestege sáıkes júrgizilip jatyr. Áleýmettik nysandar men bilim berý mekemeleri 100 paıyzǵa, al densaýlyq saqtaý nysandary 98 paıyzǵa daıyn.

«Qala jáne aýdan ákimdikteri ınjenerlik ınfraqurylymdy jóndeý jumystaryn júrgizip jatyr. Búginde iri qazandyqtar men jylý elektr stantsııalarynyń daıyndyǵy – 61%, shaǵyn qazandyqtardyń daıyndyǵy – 81%. Sondaı-aq, 968 shaqyrym jylý jelileri qysqa daıyndalǵan», - delingen aqparatta.

Osy rette kómir máselesi óte ózekti. Shyǵys Qazaqstan halqyna 354,3 myń tonna kómir jetkizilgen. Turǵyndarǵa kúz kezinde dúrbeleńge túspes úshin kómirdi qazirden bastap alýǵa keńes berildi.

«Qazir temirjol tuıyqtarynda 13,7 myń tonna kómir bar. Onyń ishinde Óskemen qalasynda – 5,5 myń tonna, Rıdder qalasynda – 4,8 myń tonna, Glýbokoe aýdanynda – 600 tonna, Altaı aýdanynda – 2,6 myń tonna, Shemonaıha aýdanynda – 210 tonna. Bıýdjettik uıymdar 39,6 myń tonna kómirmen qamtamasyz etilgen», - delingen málimette.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT