Shyǵys Qazaqstandaǵy myrysh zaýytynda órt shyqty
2022 jylǵy 19 mamyr 21:25

Shyǵys Qazaqstandaǵy myrysh zaýytynda órt shyqty

RIDDER. QazAqparat – Shyǵys Qazaqstan oblysy Rıdder qalasyndaǵy myrysh zaýytynda órt shyqty, dep habarlaıdy QazAqparat tilshisi.

Áleýmettik jelilerde «Kaztsınk» JShS-ne qarasty Rıdder metallýrgııa kombınaty myrysh zaýytynyń órtenip jatqany týraly vıdeo taraǵan.

Kópshilik bunyń ekologııaǵa orasan zııanyn tıgizgenin jazdy. Osyǵan oraı ShQO ekologııa departamentiniń ókilderi túsinik berdi.

«Rasymen de 17 mamyr kúni saǵat 06:25-de zaýyttyń skrýbber dep atalatyn gaz tazalaý súzgisinde órt boldy. Órt anyqtalǵan sátte birden bólimshe tolyǵymen toktan ajyratylyp, peshtiń jumysy toqtatyldy. Belgili bolǵandaı, skrýbber korpýsy men shynyplastıkten jasalǵan gaz qubyrlarynyń bir bóligi janyp ketken», - delingen habarlamada.

Bir saǵattyń ishinde oblystyq TJD qyzmetkerleri tilsiz jaýdy aýyzdyqtaǵan.

«Atalǵan oqıǵanyń mán-jaıyn anyqtaý úshin departament Rıdder qalasynyń tótenshe jaǵdaılar bólimine hat joldady. Jaýap alynǵannan keıin kináli adamdar jaýapqa tartylady», - delingen aqparatta.

Esterińizge sala ketsek, osyǵan deıin ShQO-da jol sapasyn tekserý barysynda 150-den astam aqaý tabylǵanyn habarlaǵan edik.

Jańalyqtar

MURAǴAT