Shyǵys Qazaqstanda jyl basynan beri 75 kólik órtenip ketti

2022 jylǵy 28 qyrkúıek, 14:57
Shyǵys Qazaqstanda jyl basynan beri 75 kólik órtenip ketti

ÓSKEMEN. QazAqparat – Shyǵys Qazaqstan oblysynda bıyl 75 kólik otqa orandy, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, jyl basynan beri óńir boıynsha órt qaýipsizdigi talaptarynyń saqtalmaýy saldarynan 75 kólik janǵan. Onyń ishinde 62 jeńil, 7 júk kóligi, 2 aýyl sharýashylyǵy jáne 4 basqa da tehnıka órtendi.

«Statıstıka kórsetkendeı, kóp jaǵdaıda ot kóliktiń qozǵaltqysh bóliginde shyǵady. Elektr jabdyqtaryna nemquraıly qaraýdan, qaýiptiligi joǵary agregatpen abaısyz jumys atqarýdan jıi órt bolady», - deıdi oblystyq TJD memlekettik órt baqylaý basqarmasynyń bastyǵy Nurjan Ómirjanov.

Sońǵy eki órt keshe tirkelgen. Óskemen qalasy Permıtına kóshesiniń boıynda 2009 jyly shyǵarylǵan «Ýaz 330945» avtokóligi toqtap turǵan kezde otqa oranǵan. Qozǵaltqysh bóligi, salon ishi, oryndyqtar órtendi. Shuǵyl kelip jetken TJD qyzmetkerleri tilsiz jaýdy tolyqtaı aýyzdyqtady.

«Sondaı-aq «Úlken-Narym-Kúrshim» tasjolynyń 55 shaqyrymynda 1991 jylǵy «Moskvıch M-2141» kóligi júrip kele jatyp órtengen. Jalynnyń jalpy aýdany 4 sharshy metrdi qurady. Belgili bolǵandaı, ottyń shyǵý sebebi – qaýiptiligi joǵary agregatpen abaısyz jumys atqarý», - delingen aqparatta.


Tegı:
Uqsas jańalyqtar
Seriktester jańalyqtary

Jańalyqtar