+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Shyǵys Qazaqstanda shomylý maýsymynda 16 adam sýǵa ketken

2020 jylǵy 14 shilde 21:37
Bólisińiz:
Shyǵys Qazaqstanda shomylý maýsymynda 16 adam sýǵa ketken

ÓSKEMEN. QazAqparat - Shyǵys Qazaqstan oblysynda shomylý maýsymy bastalǵan ýaqyttan beri 16 adam sýǵa ketip kóz jumǵan, dep habarlaıdy QazAqparat.

Uqsas jańalyqtar
Qyzylordada 25 jastaǵy jigit Syrdarııaǵa batyp ketti Jambyl oblysynda jyl basynan beri 10 adam sýǵa ketken Aqtóbede 17 jastaǵy bozbala sýǵa batyp ketti

ShQO aqparat ortalyǵynyń málimetinshe, adamdardyń sý aıdynynda qaza tabýyna mynadaı jaǵdaılar sebep bolǵan: sýda júze almaý nemese óziniń shamasyn bilmeý, balalardy qaraýsyz qaldyrý jáne alkogoldi ishimdik ishken kúıi sýǵa túsý. Bul jaıynda arnaıy brıfıngte ShQO tótenshe jaǵdaılar departamentiniń basshysy Dmıtrıı Tıtov aıtyp berdi.

«2020 jyldyń basynan beri ShQO-da 28 adam sýǵa batyp, qaıtys bolǵan. Tek shomylý maýsymynyń ózinde 16 adam mert boldy, onyń altaýy - 17 jasqa deıingi balalar. Barlyq qaıǵyly jaǵdaılar shomylýǵa ruqsat etilmegen jerlerde bolǵan» dep atap ótti departament basshysy.

Onyń aıtýynsha, búginde halyqtyń jappaı demalyp, sýǵa túsýi úshin 359 oryn jabdyqtalyp, daıyndalǵan. Onyń 180-inde arnaıy jaǵajaı bar.

Óńirde qaıǵyly jaǵdaılardyń aldyn alý úshin demalys oryndaryna týrısterdiń qaýipsizdigin qamtamasyz etip, daıyndyqty kúsheıtý jóninde 999 nusqaý joldanǵan.

Oblysta barlyǵy 132 qutqarýshy jumys istep júr. 53 qoǵamdyq qutqarý beketi ashylyp, 48 akvatorıı tekserýden ótken.

Alakólde qaýipsizdikti qamtamasyz etý úshin 4 qutqarýshydan quralǵan top jumys isteýde.

Aımaqtaǵy sý aıdyndarynyń jaǵalaýynda myńnan astam reıd ótkizilgen.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT