+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Shyǵys Qazaqstanda mektep bitirý keshteri qalaı ótedi

2021 jylǵy 14 maýsym 16:28
Bólisińiz:
Shyǵys Qazaqstanda mektep bitirý keshteri qalaı ótedi

NUR-SULTAN. QazAqparat - Bıyl mektep bitirýshi túlekterge tek attestat tabystaý rásimi ǵana ótedi. Bul jaıynda Shyǵys Qazaqstan oblysynyń sanıtarlyq-epıdemıologııalyq baqylaý departamenti resmı málimet taratty, dep habarlaıdy QazAqparat.

Epıdemıologııalyq jaǵdaıǵa baılanysty mektepte, kafelerde, meıramhanalarda merekelik ústelder uıymdastyrý, ártister men tamadalardy shaqyrý, avtomobılderdi jalǵa alý is-sharalaryna tyıym salynady.

Shyǵys Qazaqstan oblysynyń sanıtarlyq-epıdemıologııalyq baqylaý departamenti túlekter men bilim uıymdarynyń oqytýshylary arasynda COVID-19 koronavırýstyq ınfektsııanyń paıda bolýy men taralýyna jol bermeý maqsatynda bitirý keshterin ótkizbeýdi usynady.

COVID-19 koronavırýstyq ınfektsııasy boıynsha shekteý sharalary kezeńinde bilim uıymdarynyń túlekterine (mektepter, kolledjder, joǵary oqý oryndaryn, mektepke deıingi uıymdardy) bitirý keshterin ótkizýge tyıym salynǵanyn eske salamyz, óıtkeni bitirý keshteri kópshiliktiń qatysýymen ótetin buqaralyq shara bolyp tabylady.

Alaıda, qandaı aımaqta bolǵanyna qaramastan, bitirýshi túlekterge attestattardy ashyq aýada tapsyrý úshin qatysýshylardyń sanyn shekteı otyryp, basqa is-sharalardy ótkizbeı, attestat tabystaý sharalaryn ótkizýge ruqsat berildi.

Sharany ótkizýge qoıylǵan birneshe talaptar bar:

Birinshi, ár bitirýshi top jeke is-shara uıymdastyrady, bir bilim berý obektisi aýmaǵynda tek bir bitirý toby bolýy tıis.

Ekinshi, saltanatty is-sharalardy kezeń-kezeńmen ótkizý qajet. Ótkizý ýaqyty 45 mınýttan aspaýy tıis. Toptar arasyndaǵy aralyq ýaqyt keminde 30 mınýt bolýy kerek.

Úshinshi, saltanatty is-sharaǵa túlekterdiń ózinen basqa ata-anasynan nemese qamqorshysynan bir ǵana adam (ár túlekpen), sondaı-aq bilim obektileri oqytýshylary quramynan 6 adamǵa deıin qatysa alady.

Tórtinshi, karantındegi adamdar (KVI-men naýqas, KVI-men aýyratyn naýqastarmen jaqyn qarym-qatynasta bolǵan adam) atalmysh is-sharaǵa qatyspaýy tıis.

Besinshi, bilim berý uıymynyń aýmaǵynda adamdar men qonaqtardyń (ata-analar, jaqyn týystar, qamqorshylar jáne t.b.) toptasyp jınalýyna jol berilmeıdi.

Altynshy, saltanatty is-shara aıaqtalǵannan keıin kóshede, meıramhanalarda jappaı serýen ótkizýge tyıym salynady.

Jetinshi, is-shara aıaqtalǵannan keıin dezınfektsııalaý quraldaryn qoldana otyryp, bilim berý obektilerinde ylǵaldy jınaý, tazartý jumystary júrgizilýi qajet.

Túlekterdiń, qyzmetkerlerdiń densaýlyǵyna, koronavırýstyq ınfektsııanyń paıda bolý jáne taralý qaýpine bilim berý obektisiniń basshysy jaýap beredi.

Halyqtyń densaýlyǵyn saqtaý maqsatynda azamattyq jaýapkershilik tanytyp, qoldanystaǵy shekteý sharalaryn ustaný qajet.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT