Shyǵys Qazaqstanda kópbalaly otbasylarǵa 160 shaǵyn nesıe berilgen
2022 jylǵy 22 qańtar 14:21

Shyǵys Qazaqstanda kópbalaly otbasylarǵa 160 shaǵyn nesıe berilgen

ÓSKEMEN. QazAqparat – Shyǵys Qazaqstan oblysynda kópbalaly otbasylarǵa byltyr 160 shaǵyn nesıe berilgen, dep habarlaıdy QazAqparat tilshisi.

ShQO aqparat ortalyǵynyń málimetine súıensek, óńirde kópbalaly jáne az qamtylǵan otbasylarǵa kómek kórsetý maqsatynda birqatar jumystar atqarylýda.

Kópbalaly otbasylardyń balalary mektep formasymen, aıaq kıimmen jáne ystyq tamaqpen qamtamasyz etilgen. Búldirshinder mektepke deıingi mekemelerge tegin barady.

Sondaı-aq atalǵan sanattaǵy otbasylardan shyqqan balalar qoǵamdyq kólikte tegin qatynaıdy.

«Tabysy tómen halyqty qoldaý úshin turǵyn úı sertıfıkattary berilýde. 2021 jyly 204 otbasy 204 mln teńgege sertıfıkat alǵan. Kezekte turǵan kópbalaly analar men áleýmettik osal januıalarǵa 9 mlrd teńgege 394 úı berildi», - delingen habarlamada.

Budan bólek, kópbalaly otbasylar jeńildik sharttarymen 438 mln teńgege 160 shaǵyn nesıe alǵan.


Jańalyqtar

MURAǴAT