Shyǵys Qazaqstanda ıis tıip kóz jumǵandar 8 esege artty
2022 jylǵy 15 tamyz 16:15

Shyǵys Qazaqstanda ıis tıip kóz jumǵandar 8 esege artty

ÓSKEMEN. QazAqparat – Shyǵys Qazaqstan oblysynda bıyl ıis tıip kóz jumǵandar 8 esege artyp otyr, dep habarlaıdy QazAqparat tilshisi.

Oblys ákiminiń orynbasary Erjan Nurbaevtyń tóraǵalyǵymen tótenshe jaǵdaılardyń aldyn alý jáne joıý jónindegi komıssııanyń kezekti otyrysy ótti. Onda jylytý maýsymyna daıyndyq, óńirde órt sóndirý beketterin qurý syndy mańyzdy máseleler talqyǵa salyndy.

ShQO TJD bastyǵynyń orynbasary Serik Amangeldınniń aıtýynsha, jyl basynan beri oblys boıynsha 449 órt tirkelgen. Onyń ishinde 306-sy turǵyn úı sektorynda. Jer úılerde órtten qaza bolǵandar sany 13 adamdy qurady. Bul ótken jylǵy kezeńmen salystyrǵanda 31%-ǵa az.

«Bıyl ıis tıip kóz jumǵandar sany 8 adamdy qurap, segiz esege artyp otyr. Ótken jyly tek bir adam ǵana mert bolǵan. Departament qyzmetkerleri 2022 jyldyń shilde aıynan aldaǵy jylytý maýsymyna daıyndyq jumystaryn bastady. Áleýmettik osal toptaǵy azamattar turatyn 3724 turǵyn úı erekshe nazarǵa alynǵan. Glýbokoe, Shemonaıha, Zaısan, Ulan, Katonqaraǵaı aýdandarynda ýly gaz datchıkterin satyp alý boıynsha jergilikti atqarýshy organdarmen birlesken sharalar atqarylýda», - dedi Serik Amangeldın.

Oblysta dala órtimen kúresý úshin qajetti órt sóndirý beketterin qurý máselesi óte ózekti. Búgingi tańda tek 34 beket jumys isteıdi. 5 bekettegi tehnıkalar jaramsyz, al 2 bekette jumys isteıtin adam joq. Shyǵys Qazaqstandaǵy eldi mekenderdi tolyq qamtý úshin taǵy 10 órt sóndirý beketin qurý qajet.

Ótkizilgen otyrystyń qorytyndysy boıynsha quzyrly memlekettik organdarǵa birqatar tapsyrma berildi.


Ashyq kózderden alynǵan foto


Uqsas jańalyqtar
Seriktester jańalyqtary

Jańalyqtar

Úrdis

MURAǴAT