+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Shyǵys Qazaqstanda eki sheneýnikke sot úkimi shyqty

2019 jylǵy 10 qazan 11:12
Bólisińiz:
Shyǵys Qazaqstanda eki sheneýnikke sot úkimi shyqty

NUR-SULTAN. QazAqparat – Shyǵys Qazaqstan oblystyq energetıka jáne turǵyn úı-kommýnaldyq sharýashylyǵy basqarmasynyń basshysy jemqorlyq qylmystary úshin sottaldy. Bul jaıynda QR Sybaılas jemqorlyqqa qarsy is-qımyl agenttiginen málim etti, dep habarlaıdy QazAqparat tilshisi.

«Shyǵys Qazaqstan oblysynyń sybaılas jemqorlyqqa qarsy qyzmeti birqatar sybaılas jemqorlyq qylmys jasaǵany úshin kúdikti bolǵan oblystyq energetıka jáne turǵyn úı-kommýnaldyq sharýashylyǵy basqarmasynyń basshysy A.Arslambaevqa jáne «ShQO turǵyn úı-paıdalaný basqarmasy» JShS dırektory A.Áýbákirovaǵa qatysty sotqa deıingi tergeýdi aıaqtady»,- delingen vedomstvo aqparatynda.

Agenttik málimetinshe, olar «ShQO Óskemen qalasynyń Samar tas joly boıynsha «Órken-JMK» ındýstrııalyq aımaǵyna ınfraqurylym qurylysy», «ShQO Ulan aýdany Ýkraınka aýylyndaǵy sý qubyry men sý tartý jelileri qurylysy», «ShQO Ulan aýdany Saǵyr aýylyndaǵy sýmen jabdyqtaý jelileriniń qurylysy» nysandary boıynsha jobalyq-smetalyq qujattardy ázirleýge bólingen 70,1 mln teńge somaǵa oryndalǵan jumystardyń jalǵan aktilerine qol qoıý arqyly bıýdjet qarajatyn jymqyrdy degen kúdikke ilinip otyr.

Osy jyldyń 9 qazanynda Óskemen qalasynyń № 2 sotynyń úkimimen A. Arslambaev joǵaryda kórsetilgen qylmystardyń barlyq quramy boıynsha memlekettik qyzmette laýazym ıelený quqyǵynan ómir boıyna aıyryla otyryp, 4 jyl 6 aı merzimge bas bostandyǵyn shekteýge; A.Áýbákirova asa iri mólsherde bıýdjet qarajatyn urlaǵany, qyzmet ókilettigin teris paıdalanǵany jáne qyzmettik jalǵandyq jasaǵany úshin memlekettik qyzmette laýazym ıelený quqyǵynan ómir boıyna aıyryla otyryp, 4 jyl 7 aıǵa bas bostandyǵynan aıyrýǵa sottaldy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT