+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Shyǵys Qazaqstanda eki qala karantınge jabylady

2020 jylǵy 3 shilde 14:01
Bólisińiz:
Shyǵys Qazaqstanda eki qala karantınge jabylady

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov 5 shildeden bastap oblystaǵy eki iri qalanyń karantınge jabylatynyn málim etti, dep habarlaıdy QazAqparat oblys ákiminiń Instagram paraqshasyna silteme jasap.

Ákimniń málimetinshe, oblys kez kelgen jaǵdaıǵa daıyn. 1700 ınfektsııalyq, 2500 provızorlyq jáne karantındik oryn jáne qarqyndy terapııa palatasy daıyndaldy. Oǵan qosa aımaqta adamdar jedel medıtsınalyq kómek ala almaıtyn eldimeken joq. Medıtsınalyq mekemeler men atqarýshy bıliktiń ózara áreket etý algorıtmderi jasalyp, bekitilgen.

«Jaǵymsyz jaıt bolmas úshin biz 5 shildeden bastap Óskemen jáne Semeı qalalaryn jabamyz, adamdar men kólikterdiń qala men aýdan arasynda júrip-turýyn shekteımiz. Osynyń barlyǵy - koronavırýs ınfektsııasy taralmas úshin jasalyp otyrǵan sharalar. SOVID-19-ben kúreste ózin-ózi oqshaýlaý tásili tıimdi ekeni dáleldendi. Karantın kezinde oblysta jalpy vırýs juqtyrǵandar sany 135 bolatyn. Maýsym ishinde bul kórsetkish 710-ǵa deıin artyp, áli de ósip jatyr», - dep habarlady D.Ahmetov.

«Sondyqtan osy jeksenbiden bastap qozǵalysty shekteý mańyzdy. Biz baılanysqan adamdar tizimin úzýimiz kerek. Bul óte qajet! Osy jaǵdaıǵa neǵurlym jaýapkershilikpen qarasaq, soǵurlym qalypty ómirge tezirek oralamyz. Mekemeler, azyq-túlik dúkenderi, dárihanalar, bankter, HQO (qysqarǵan kestemen) jumysyn jalǵastyrady. Biz engizilgen karantın sharalary kásipkerlerge zııanyn tıgizbes úshin tyrysyp jatyrmyz. Taǵy da shekteýlerge túsinistikpen qaraýlaryńyzdy suraımyz. Eýropa elderinde adamdar áýelde shekteý sharalaryna moıynsunbaǵanda qandaı jaǵdaı bolǵany bárimizdiń esimizde», - dep atap ótti ákim.

Onyń aıtýynsha, a damdar óz qaýipsizdigi úshin kem degende áleýmettik qashyqtyqty saqtap, ózin-ózi oqshaýlap, maska taǵyp júrýi kerek.

«Biz de aımaqtaǵy aýrýhanalardy qajetti tehnıkamen jáne dári-dármekpen, al dárigerlerdi qorǵanys quraldarymen qamtamasyz etý úshin barymyzdy saldyq. Qazirgi bizdiń ortaq mindetimiz – shekteý sharalaryn saqtap, vırýstyń taralýyna jol bermeý» dep tolyqtyrdy D.Ahmetov. ⠀


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT