Jańalyqtar  >
Shyǵys Qazaqstanda bıyl jol apatynan 24 adam kóz jumdy
2022 jylǵy 10 tamyz 21:43

Shyǵys Qazaqstanda bıyl jol apatynan 24 adam kóz jumdy

ÓSKEMEN. QazAqparat – Shyǵys Qazaqstan oblysynda jyl basynan beri jol apatynan 24 adam qaza boldy, dep habarlaıdy QazAqparat tilshisi.

Tártip saqshylary óńir aýmaǵynda 19 shildeden bastap «Qaýipsiz jol» jedel-aldyn alý sharasyn ótkizýde. Mundaǵy maqsat – joldaǵy jazataıym oqıǵalardyń aldyn alý, ereje buzýshylardy jaýapqa tartý. Jyl basynan beri oblysta 240 jol-kólik oqıǵasy tirkelip, sonyń saldarynan 24 adam qaza bolyp, 330-y jaraqat alǵan.

«Shara bastalǵaly polıtsııa qyzmetkerleri jol qozǵalysy erejelerin buzǵan 11 500-den astam adamǵa ákimshilik hattama toltyrdy. Mas kúıde kólik basqarǵany úshin 78 júrgizýshi ustaldy. Jaıaý júrginshilerge jol bermegeni úshin 815 adam jaýapqa tartyldy. 181 kólikti paıdalanýǵa tyıym salyndy, onyń ishinde 158 kólik mamandandyrylǵan turaqqa ornalastyryldy», - deıdi oblystyq PD Jergilikti polıtsııa qyzmeti basqarmasynyń bastyǵy Talǵat Nurıev.

Onyń aıtýynsha, «Tsıfrlyq Qazaqstan» baǵdarlamasyn júzege asyrý aıasynda «Sergek-Qorǵaý» qosymshasy pılottyq rejımde iske qosylǵan. Sonyń kómegimen jol qozǵalysy erejelerin turaqty buzýshylar anyqtalady.

Máselen, Óskemen qalasynyń aýmaǵynda atalǵan qosymshanyń kómegimen 139 kólik toqtatylǵan. Olar boıynsha 9 mln teńgege jýyq somaǵa 415 jol qozǵalysy erejesin buzý faktisi tirkeldi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT