+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Shyǵys Qazaqstanda alǵash daýys bergen jastarǵa estelik syılyqtar tabys etildi

2021 jylǵy 25 shilde 12:16
Bólisińiz:
Shyǵys Qazaqstanda alǵash daýys bergen jastarǵa estelik syılyqtar tabys etildi

ÓSKEMEN. QazAqparat – Shyǵys Qazaqstan oblysynda alǵash daýys bergen jastarǵa estelik syılyqtar tabys etildi, dep habarlaıdy QazAqparat tilshisi.

Uqsas jańalyqtar

Búgin búkil respýblıka halqy alǵash ret aýyl ákimderin saılap jatyr. Olar kelesi tórt jylda eldi mekenderdi basqaratyn bolady. Sondyqtan aýyl bolashaǵy turǵyndardyń búgingi tańdaýyna baılanysty bolmaq.

Saılaýshylar arasynda alǵash ret daýys beretin jastar az emes. Olardyń biri Shemonaıha aýdany Vydrıha aýylynyń turǵyny Kırıll Mıhaılenko. 18 jastaǵy jigit baǵdarlamalary men bolashaq josparlary ózine barynsha áser etken kandıdatqa daýys bergenin atap ótti.

«Aýyldyq okrýg ákimi jaýapty, belsendi bolýy tıis. Sondaı-aq aýyl turǵyndarynyń barlyq máselelerin bilý úshin uzaq jyldar boıy osy aýylda turýy kerek dep esepteımin. Bizdiń de aýyl ákimin tańdaýǵa múmkindigimiz bar ekenine qýanyshtymyn», – deıdi Kırıll.

Sondaı-aq Glýbokoe aýdany Predgornoe aýylynyń turǵyny Vladıslav Skvortsov ta saılaýǵa alǵash ret qatysyp otyr.

«Bul men úshin jaýapty sát, óıtkeni men óz daýysymdy aýylymnyń bolashaǵyna arnaımyn. Saılaý ýchaskesine kelmes buryn kandıdattardyń saılaýaldy baǵdarlamalaryn zerttedim. Sondyqtan men durys tańdaý jasaǵanyma senimdimin. Saılaý ýchaskeleriniń jaqsy daıyndalǵanyn atap ótkim keledi. Munda barlyq saqtyq sharalary qarastyrylǵan», - dedi jas saılaýshy.

Saılaý komıssııalarynyń músheleri dástúr boıynsha alǵash ret daýys berýshilerge estelik syılyqtar tabys etti.

Esterińizge sala ketsek, osyǵan deıin Shyǵys Qazaqstan oblysynda aýyldyq okrýg ákimi saılaýyna 77 úmitkerdiń túsip otyrǵandyǵyn habarlaǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT