+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Shyǵys Qazaqstanda 221 saılaý ýchaskesi jumys istep tur

2021 jylǵy 25 shilde 11:29
Bólisińiz:
Shyǵys Qazaqstanda 221 saılaý ýchaskesi jumys istep tur

ÓSKEMEN. QazAqparat – Shyǵys Qazaqstan oblysynda 221 saılaý ýchaskesi ashyldy, dep habarlaıdy QazAqparat tilshisi

Uqsas jańalyqtar

Búgin elimizde alǵash ret aýdandyq mańyzy bar qalalar, aýyldyq okrýgter, kentter men aýyldar ákimderiniń tikeleı saılaýy ótýde. Osyǵan baılanysty ShQO Óńirlik kommýnıkatsııalar qyzmetinde Shyǵys Qazaqstan oblystyq saılaý komıssııasynyń tóraǵasy Ersaıyn Nábıevtiń, komıssııa tóraǵasynyń orynbasary Janar Alqanovanyń, SEB departamenti basshysynyń orynbasary Ǵalymbek Alınniń, ShQO PD Ákimshilik polıtsııa basqarmasynyń bastyǵy Ernar Bazarovtyń qatysýymen brıfıng ótti.

Saǵat 7.00-de aýmaqtyq saılaý komıssııalarynyń derekterine sáıkes aýdandyq mańyzy bar bir qalada, alty kentte, 70 aýyldyq okrýgte daýys berý bastaldy. Qazirgi ýaqytta óńirde 221 saılaý ýchaskesi jumys istep tur.

«Saılaýshylardyń saılaý ýchaskelerine kelýi týraly qosymsha aqparat Nur-Sultan qalasynyń ýaqyty boıynsha 10.00, 12.00, 14.00, 16.00, 18.00 jáne 20.00-jaǵdaı boıynsha oblystyń aýmaqtyq saılaý komıssııalarynyń ınternettegi resmı paraqshalarynda usynylatyn bolady. Saılaýshylardyń aldyn ala kelýi týraly aqparat 21.00-de jarııalanady, - dedi Ersaıyn Nábıev.

Saılaý ýchaskelerinde qoǵamdyq tártipti qamtamasyz etý úshin ShQO polıtsııa departamentiniń saqshylary kúsheıtilgen jumys rejımine kóshti. Ákimshilik polıtsııa basqarmasynyń bastyǵy Ernar Bazarovtyń aıtýynsha, árbir saılaý ýchaskesinde kezekshilikti qamtamasyz etý maqsatynda 800-den astam polıtsııa qyzmetkeri jumyldyrylǵan, sondaı-aq prokýratýra qyzmetkerleri kiretin jedel-tergeý toptary qurylǵan.

Jalpy, qazirgi ýaqytta oblystaǵy ahýal jáne saılaý ýchaskelerindegi jaǵdaı turaqty. Qoǵamdyq tártipti buzý faktileri tirkelgen joq.

ShQO boıynsha SEB departamenti basshysynyń orynbasary Ǵalymbek Alın brıfıng qatysýshylaryna Respýblıkanyń Bas memlekettik sanıtarlyq dárigeriniń qaýlysyna sáıkes saılaýdy uıymdastyrý jáne ótkizý jumystary koronavırýstyń taralýynyń aldyn alý algorıtmine sáıkes ótkizilip otyrǵanyn málimdedi.

Sondaı-aq ol saılaý protsesiniń barlyq qatysýshylaryna maska rejımin qatań saqtaý, qoldy óńdeýge arnalǵan antıseptıkti qoldaný, adamdar arasyndaǵy 1,5-2 metr áleýmettik qashyqtyqty saqtaý, qol alysýdan jáne tikeleı baılanystyń basqa túrlerinen aýlaq bolý kerektigin atap ótti.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT