+7 (701) 759 90 19
USD 419.96 EUR 510.88
RUB 5.72 CNY 64.97
Jańalyqtar

Shyǵys Qazaqstanda 1,3 mln elektrondy densaýlyq pasporty jasalǵan

2020 jylǵy 5 jeltoqsan 03:00
Bólisińiz:
Shyǵys Qazaqstanda 1,3 mln elektrondy densaýlyq pasporty jasalǵan

ÓSKEMEN. QazAqparat – Shyǵys Qazaqstan oblysynda 1,3 mıllıonnan astam elektrondy densaýlyq pasporty jasalǵan, dep habarlaıdy QazAqparat tilshisi.

ShQO densaýlyq saqtaý basqarmasynyń basshysy Jaıyq Jumahanov sybaılas jemqorlyqqa qarsy strategııanyń jáne «Halyq únine qulaq asatyn memleket» tujyrymdamasynyń densaýlyq saqtaý salasynda qalaı iske asyrylyp jatqany týraly aıtyp berdi.

«Ashyqtyqty arttyrý, medıtsına qyzmetkerleri arasynda sybaılas jemqorlyqtyń aldyn alý, memlekettik qarajattyń bólinýine qoǵamdyq baqylaýdy arttyrý boıynsha belsendi jumys júrgizilýde. Óńirde densaýlyq saqtaý júıesiniń tıimdiligin arttyrý baǵdarlamasy ázirlenip, tabysty júzege asyrylýda. Baǵdarlamanyń negizgi baǵyttary – adamı kapıtaldy, resýrstar men tehnologııalardy damytý», - dedi ol.

Onyń aıtýynsha, baǵdarlama álemniń jetekshi klınıkalarynda medıtsına qyzmetkerlerin daıarlaý jáne qaıta daıarlaý, mamandandyrylǵan ortalyqtar, respýblıkalyq ǵylymı ortalyqtardyń fılıaldaryn qurý, sondaı-aq tsıfrlandyrý sııaqty tórt baǵyt boıynsha júzege asyrylýda.

Osynyń barlyǵy medıtsınalyq kómek kórsetý sapasyn arttyryp qana qoımaı, sybaılas jemqorlyqqa qarsy is-qımyl boıynsha jumys júrgizýge múmkindik beredi.

«Barlyq medıtsınalyq uıymdarda aqparattyq júıeler engizilgen. Osynyń arqasynda qujattardy qaǵazsyz júrgizý júıesine tolyǵymen kóshýge múmkindik týdy. 1,3 mıllıonnan astam elektrondy densaýlyq pasporty jasaldy. Turǵyndar úshin mobıldi qosymsha ázirlendi, sonyń arqasynda úıden shyqpaı-aq dáriger qabyldaýyna jazylýǵa bolady. Medıtsınalyq uıymdardyń árbir basshysy men qyzmetkeri, sondaı-aq azamattardyń ózderi sybaılas jemqorlyqtyń saldaryn túsinýi tıis», - dedi Jaıyq Jumahanov.

Aýyl medıtsınasyn damytýda mańyzdy qadamdar jasalǵan. Altaı jáne Aıagóz qalalarynda eki ınsýlt ortalyǵy jumys isteýde.

Oblys boıynsha halyqaralyq standarttarǵa sáıkes keletin 1086 birlik zamanaýı jabdyq satyp alyndy. Bul joǵary tehnologııalyq tehnıka kólemin 2,5 esege arttyrdy.t

Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT