+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Shyǵarylmaǵan qar úshin kim jazaǵa tartylady

2020 jylǵy 4 aqpan 13:03
Bólisińiz:
Shyǵarylmaǵan qar úshin kim jazaǵa tartylady

NUR-SULTAN. QazAqparat - QR ІІM Tótenshe jaǵdaılar komıtetiniń tóraǵasy Vladımır Bekker óz aýmaǵynyń qaryn shyǵarmaǵan qazaqstandyqtarǵa jasalǵan eskertýge túsinikteme berdi, dep habarlaıdy QazAqparat tilshisi.

Uqsas jańalyqtar
ShQO-da 364 shaqyrym arnalar men aryqtar qardan tazartyldy Qaraǵandyda merdigerlermen qar tazalaý boıynsha úsh jyldyq kelisim jasalady Nur-Sultan kóshelerin qalyń qardan tazartýǵa turǵyndar men volonterler atsalysýda

«Ákimshilik kodekste jeke turǵyn úı ıeleri óz aýmaǵyn laıyqty deńgeıde kútip ustaýy týraly bap bar. Onyń ishine keıin ózimiz sýǵa batyp ketpes úshin qardan tazartý da kiredi. Ony jyl saıyn tek Qaraǵandyda ǵana emes, Nur-Sultan qalasynda, Pavlodar men Aqmola oblystarynda qoldanady», - dedi Vladımır Bekker Úkimet otyrysynan keıin BAQ ókilderine bergen suhbatynda.

Onyń atap ótýinshe, jeke turǵyn úı ıeleri aýlasyn qardan tazartyp, ony kóshege shyǵarýy qajet.

«Odan keıin ákimdik jınap alady. Menińshe, keı óńirlerde qar shynymen de mol tústi. Qarmen jáne sý tasqynymen kúres - ortaq is dep oılaımyn. Eger siz jeke turǵyn úıdiń nemese qandaı da bir nysannyń ıesi bolsańyz, onda óz aýmaǵyńyzdy tazalaý úshin shara qabyldaýyńyz qajet», - dedi V.Bekker.

Sonymen qatar ol qar tazalanbaǵany úshin adamdar birden jazalanbaıtynyn aıtyp sendirdi.

«Adamdarǵa belgili bir merzimdi qar jınaýdy ótingen habarlama keledi. Eger onda da tazalamasa, onda ákimshilik jaza qoldanylady. Bul rette árbir jaǵdaıdy jeke alyp qaraý qajet. Eger ol saýda úıiniń nemese sol sııaqty nysannyń aýmaǵy bolsa, onda olar qardy ózderi shyǵarýy tıis. Eger ol jeke turǵyn úı bolsa, onda ákimdik turǵyn úı aýmaǵyn qardan tazalaýdy ótinedi», - dedi ol.

Buǵan deıin Facebook-te Botagóz Omarova esimdi qoldanýshy Qaraǵandy oblystyq polıtsııa departamenti turǵyndarǵa aýlasyn qardan tazalamaǵany úshin eskertý jasaǵanyn jazǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT