+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Shyǵarmashylyq odaqtar qarjylyq qıyndyqtardan shyǵa almaı otyr - Qazybek Isa

2021 jylǵy 23 maýsym 13:42
Bólisińiz:
Shyǵarmashylyq odaqtar qarjylyq qıyndyqtardan shyǵa almaı otyr - Qazybek Isa

NUR-SULTAN. QazAqparat - Búgin Májilistiń jalpy otyrysynda depýtat, «Aq jol» partııasy fraktsııasy múshesi Qazybek Isa shyǵarmashylyq odaqtardy qarjylandyrý máselesine qatysty Premer-Mınıstrdiń orynbasary EralyToǵjanovtyń atyna saýal joldady, dep habarlaıdy QazAqparat tilshisi.

Uqsas jańalyqtar
Jaıaý Musanyń dúnıege kelgenine 186 jyl toldy Samal Eslıamova túsken «Barymtashylar. Ýaqyt joly» fılmi Frantsııanyń 21 qalasynda prokatqa shyqty Májilis depýtatyna qurylys materıaldarynyń qymbattaýynan týyndaǵan problemalar aıtyldy - Qaraǵandy

«Ulttyq múddemizdi qorǵaý úshin, eń aldymen, óz bolmysymyzdy jat bolmystan qorǵaı bilýimiz kerek! Búgingideı jahandaný dáýirinde jat bolmystan qorǵanýda aqparattyq-rýhanı qaýipsizdiktiń róli zor. Keıde teris tárbıege, ultsyzdyqqa sheteldik aqparattyq ekspansııa teleserıaldarmen birge ózimizdiń ulttyq uǵymnan jurdaı túrli fılmderimizdiń de, jeńil kúlkige qurylǵan saıqymazaqtyq shý men shoýlardyń áseri az emes. Telearnalardan tizesi jaltyraǵan jyrtyq shalbarly ánshiler shyǵyp jatqanda, jalpy osy bizdiń ıdeologııamyzdyń ózi bútin be dep oılaýǵa týra keledi keıde...», - dedi Qazybek Isa.

Onyń aıtýynsha, is júzinde memlekettiń strategııalyq seriktesi jáne qoǵamdaǵy ulttyq ıdeıalardyń qozǵaýshy kúshi bolýǵa tıis shyǵarmashylyq odaqtar qazir qarjylyq qıyndyqtardan shyǵa almaı, óz kúnderin zorǵa kórip otyr.

«Qandaı eldiń damýynda da, eń aldymen mádenıettiń mańyzy zor!

Mádenıetimizdi qoldaýǵa basa nazar aýdaryp kele jatqan Qazaqstan Prezıdenti Qasym-Jomart Toqaevtyń tapsyrmasymen byltyr Shyǵarmashylyq odaqtardy qoldaý qory qurylǵan edi. Qazir bul qordyń jumysy áli júrmeı jatyr. Shyǵarmashylyq odaqtar qarjy joq dep shyryldaýda, al Mádenıet mınıstrligindegi olardy qoldaýǵa bólingen 257 mıllıon teńge ıgerilmeı qaldy. Sebebi, shyǵarmashylyq odaqtar qujattary konkýrstyq talaptarǵa sáıkes kelmedi deıdi mınıstrlik. Ózderi kún kóre almaı otyrǵan shyǵarmashylyq odaqtar ózderine tıesili sybaǵasynan aıyrylyp otyr», - dedi depýtat.

«Bizdiń usynystarymyzǵa toqtalsaq, shyǵarmashylyq odaqtardy qarjylandyrýdy zańnamalyq turǵydan sheshý úshin olarǵa memlekettiń strategııalyq seriktesi statýsyn berý kerek. Ekinshiden, shyǵarmashylyq odaqtardyń memleketpen áriptestik qyzmetin jandandyrý úshin mádenıet pen ónerdi damytý granttaryn taǵaıyndaý qajet. Úshinshiden, ulttyq bolmysymyzdy jat bolmystan qorǵaý úshin ulttyq ıdeologııalyq, aqparattyq-rýhanı qaýipsizdik tetikterin jasaýdy shuǵyl qolǵa alý kerek», - dedi Qazybek Isa.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT