Shveıtsarııalyq kontsern Qazaqstanda qaterli isikke qarsy ınnovatsııalyq dári óndirisin ashpaq

2022 jylǵy 1 jeltoqsan, 17:10
Shveıtsarııalyq kontsern Qazaqstanda qaterli isikke qarsy ınnovatsııalyq dári óndirisin ashpaq

ASTANA. QazAqparat - Memleket basshysy Qasym-Jomart Toqaev shveıtsarııalyq «Roche Holding AG» farmatsevtıkalyq kontserniniń basqarma tóraǵasy Krıstof Frantsty qabyldady, dep habarlaıdy Aqorda.

Prezıdentke elimizde qaterli isikke qarsy ınnovatsııalyq dári óndirisin ashý jobasynyń júzege asyrylý barysy týraly aqparat berildi.

Tıisti kelisimge búgin Qazaqstannyń Densaýlyq saqtaý mınıstrligi men «Roche Holding AG» kompanııasy arasynda qol qoıyldy. Krıstof Frants Prezıdentke qaterli isikti anyqtaýdyń ınnovatsııalyq tásilderin ıgerýge qatysty Qazaq onkologııa jáne radıologııa ǵylymı-zertteý ınstıtýtymen birlese júrgizip jatqan jumystary týraly aıtty.

Sonymen qatar kelesi jyly kompanııanyń qoldaýymen Nazarbaev Ýnıversıteti Medıtsına mektebiniń bazasynda jergilikti mamandardyń biliktiligin arttyrýǵa arnalǵan zerthanalyq dıagnostıkalyq trenıng-ortalyǵyn ashý josparlanyp otyr.

Sondaı-aq kezdesýde Qazaqstanda medıtsına ǵylymyn damytý máselesi de talqylandy.


Foto: akorda.kz

Uqsas jańalyqtar
Seriktester jańalyqtary

Jańalyqtar