+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

ShUǴYL: Karkýlany óltirgen turǵyn ómir boıǵy jazaǵa kesildi - BQO

2014 jylǵy 25 maýsym 18:49
Bólisińiz:

ORAL. QazAqparat - Búgin BQO qylmystyq ister jónindegi mamandandyrylǵan aýdanaralyq sotynda batysqazaqstandyq kásipker Vıtalıı Karkýlany óltirgenderge qatysty úkim shyǵaryldy.

Sot tóraıymy Aqgúl Qarasaevanyń málim etkenindeı, osy qandy oqıǵany uıymdastyrǵan Azamat Toǵaev ómir boıǵy jazaǵa kesilse, onyń sybaılastary Mergen Imanqulov pen Kenje Birjanov árqaısysy 22 jylǵa bas bostandyqtarynan aıyryldy. Qylmystyq topqa taǵylǵan aıyp birdeı bolǵanymen, A.Toǵaevqa qatysty úkim shyǵarylǵan kezde onyń buryn birneshe ret sottalǵany, ol qylmystarynyń da aýyrlyǵy eskerilip, eń joǵary jaza belgilendi.

Sottalýshylardyń múlikteri tárkilenedi. Sot jábirlenýshi taraptyń 10 mln. teńge kóleminde moraldyq, sondaı-aq 5 mln. teńge materıaldyq zalaldy (urlanǵan altyn buıymdar, qarjy, Valentına Karkýlany emdeýge jáne iske qatysty shyǵyndar) óndirý týraly azamattyq talaparyzyn da qanaǵattandyrdy.

Aıta keteıik, búkil óńirdi dúrliktirgen oqıǵa bıyl 13 qańtarǵa qaraǵan túni oryn aldy. Tún qarańǵylyǵyn jamylǵan atalǵan top tonaý maqsatymen kásipkerdiń úıine basyp kirip, ony atyp óltirip, zaıybyn aýyr jaraqattap ketken bolatyn. Olarǵa Qylmystyq kodekstiń jeti birdeı baby boıynsha aıyp taǵylǵan edi.

Úkim zańdy kúshine engen joq.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT