Shý turǵynynyń saraıynan iri kólemde esirtki tabyldy
2022 jylǵy 21 qańtar 23:05

Shý turǵynynyń saraıynan iri kólemde esirtki tabyldy

TARAZ. QazAqparat – Jambyldyq polıtseıler iri kólemdegi esirtki zatyn tárkiledi, dep habarlaıdy QazAqparat tilshisi.

Bıylǵy 18 qańtarda Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Shý qalasynda jedel-izdestirý is-sharalaryn júrgizý barysynda 53 jastaǵy jergilikti turǵyndy ustady.

Onyń turǵylyqty jerin tintý barysynda saraıynan jalpy salmaǵy 5 keli 375 gramm «keptirilgen marıhýana» jáne salmaǵy 240 gramm «gashısh» esirtki zattary tabylyp, tárkilendi.

Kúdikti óz kinásin moıyndap, Shý qalasyndaǵy ýaqytsha ustaý ızolıatoryna qamaýǵa alyndy.

«Atalǵan derekke qatysty Qazaqstan Respýblıkasy Qylmystyq kodeksiniń 296-babynyń 4-bóligi «asa iri mólsherde esirtki quraldaryn zańsyz saqtaý» boıynsha sotqa deıingi tergeý amaldary bastaldy. Atalǵan qylmysty jasaǵany úshin 3 jyldan 7 jylǵa deıingi merzimge bas bostandyǵynan aıyrý jazasy qarastyrylǵan», - dep habarlady Jambyl oblysynyń Polıtsııa departamenti Esirtki qylmysyna qarsy is-qımyl basqarmasynyń bastyǵy Asqar Jumabekov.


Avtor:
Tilshi

Jańalyqtar

MURAǴAT