Jańalyqtar  >

Shý aýdanyndaǵy atystan jaraqat alǵan 4 adamnyń bireýi mert boldy

2022 jylǵy 25 qyrkúıek, 19:34
Shý aýdanyndaǵy atystan jaraqat alǵan 4 adamnyń bireýi mert boldy

ASTANA. QazAqparat – Jambyl oblysynyń Shý aýdandyq aýrýhanasyna 23, 25 jáne 26 jastaǵy (ekeý) tórt azamattyń oq-dárilermen jaraqat alyp tústi. Olardyń biri keıinirek aýrýhananyń jansaqtaý bóliminde qaıtys boldy.

Habar Shý aýdandyq polıtsııa bólimine 2022 jyldyń 25 qyrkúıeginde saǵat 00.18-de aýrýhanadan keldiǵ dep habarlaıdy QazAqparat Polisia.kz saıtyna silteme jasap.

Atalǵan derek boıynsha Qylmystyq kodekstiń 99-babynyń 2-bóligi-tarmaǵymen sotqa deıingi tergeý bastaldy.

Atalǵan qylmysty jasaǵany úshin Tóle bı aýylynyń 22 jastaǵy turǵyny anyqtaldy, kúdiktini ustaý boıynsha jedel-izdestirý is-sharalary júrgizilýde.

Qazirgi ýaqytta tolyq tekserý jumystary júrgizilip jatyr jáne aýdandyq prokýratýranyń qadaǵalaýymen qylmystyq is júrgizý kodeksiniń normalarymen ruqsat etilgen ýaqyt boıynsha qajetti tergeý áreketteri júrgizilýde.

Jaqyn arada oqıǵaǵa tikeleı qatysqan jetkizilgen adamdarǵa qatysty zańdy protsessýaldyq sheshim qabyldanatyn bolady.


Uqsas jańalyqtar
Seriktester jańalyqtary

Jańalyqtar