+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Shpekbaev Pavlodar oblysynyń jurtshylyǵymen kezdesti

2020 jylǵy 30 qazan 21:35
Bólisińiz:
Shpekbaev Pavlodar oblysynyń jurtshylyǵymen kezdesti

PAVLODAR. QazAqpearat - Sybaılas jemqorlyqqa qarsy is-qımyl agenttiginiń tóraǵasy Alık Shpekbaev pavlodarlyq qoǵam belsendilerimen jáne jýrnalıstermen kezdesti, dep habarlaıdy QazAqparat.

Uqsas jańalyqtar
Agenttik Atbasar aýdany men Stepnogor bilim bólimderiniń basshylary ne úshin jazalanǵanyn túsindirdi Sybaılas jemqorlyqpen kúres: Call ortalyqqa 25 myńnan astam habarlama tústi Danııar Sabyrbaev: Jemqorlyqpen kúres - bul parasattylyq ıdeologııasyn qalyptastyrý

Alık Shpekbaev Pavlodar oblysyna eki kúndik jumys saparymen keldi.

Búgin jurtshylyqpen, bıznes-qoǵamdastyqpen jáne BAQ ókilderimen ashyq dıalogtyq kezdesý ótti.

Antıkor basshysy sybaılas jemqorlyqqa qarsy zańnamanyń jańashyldyqtary týraly egjeı-tegjeıli baıandap, basshylardyń qaramaǵyndaǵy qyzmetkerlerdiń jemqorlyq úshin derbes jaýapkershiligi tájirıbesin, jemqorlyqqa qarsy saraptama júrgizýdiń jańa tetigin, ol týraly habardar etýshini yntalandyrý júıesindegi ózgeristerdi, memlekettik qyzmetshilerdiń syılyq alýyna tolyq tyıym salýdy jáne jaqyn týystardyń birlesken jumysyna salynǵan shekteýlerdi atap ótti.


«Sybaılas jemqorlyqqa qarsy saıasattyń tıimdi aldyn alý, pármendi qylmystyq-quqyqtyq sharalar, syndarly áriptestik jáne belsendi qoǵam syndy basymdyqtar qazirgi zaman talaptarynan týyndap otyr. Sondyqtan biz qylmystyq-quqyqtyq, jazalaýshy jáne qatań túrde abaqtyǵa qamaý tájirıbesinen alshaqtaýdamyz. Qazirgi tańda jemqorlyq quqyq buzýshylyqtardyń aldyn alý negizge alynǵanyn atap ótemin. Bul rette azamattyq qoǵam tarapynan aýqymdy qoldaýdyń mańyzy zor», - dep atap ótti Alık Shpekbaev.

Óz kezeginde pgenttik janyndaǵy aqparattyq-aǵartýshylyq shtab jetekshisi Yrza Tursynzada sybaılas jemqorlyq – qoǵamnyń derti, quldyq sananyń jańǵyryǵy ekenin atap ótti.

«Biz azamattardyń sanasyn ózgertip, sybaılas jemqorlyqtyń aldyn alý baǵytynda jumys isteýimiz kerek. Árbir sanaly azamat sybaılas jemqorlyqqa qarsy kúreske óz úlesin qosýy tıis», - dedi spıker.

Kezdesý barysynda qoǵam qaıratkeri Saıda Taýkelova Ekibastuz, Aqsý qalalarynda jáne Qalqaman kentinde ótken monıtorıng nátıjelerimen bólisti.


«Sybaılas jemqorlyqqa qarsy qyzmet Ekibastuz qalasynyń birqatar medıtsınalyq mekemelerine monıtorıng júrgizdi. Monıtorıng kezinde as blogyndaǵy sanıtarlyq-epıdemıologııalyq normalarynyń óreskel buzýshylyqtary anyqtaldy. Sybaılas jemqorlyqqa qarsy qyzmet pen qoǵam belsendileriniń áleýmettik mańyzy bar nysandarǵa monıtorıng jasaýy – osyndaı kúrdeli kezeńde asa ózekti», – dep atap ótti ol.

Qoǵam ókilderi sybaılas jemqorlyqqa qarsy qyzmet basshysyna tolǵandyratyn suraqtaryn tikeleı qoıyp, tolyq jaýap aldy.

Sapar sońynda «Halyq únine qulaq asatyn memleket» tujyrymdamasy aıasynda Alık Shpekbaev oblys ákimi
Ábilqaıyr Sqaqovpen birlesip azamattardy qabyldady.

Máselen, oblys turǵyny eki jasar balaǵa qymbat dári-dármek satyp alý kómegin surady. Atalǵan máseleni sheshý Densaýlyq saqtaý basqarmasynyń basshysyna tapsyryldy.


«Kámeletke tolǵanǵa deıin ata-anasynan aıyrylǵan jetim balalar men ata-anasynyń qamqorlyǵynsyz qalǵan balalar» sanaty boıynsha turǵyn úı alý qıyndyqtary – taǵy bir ótinishke sebep boldy. Bul másele tóraǵanyń jeke baqylaýyna alyndy.

Sonymen qatar, qabyldaý barysynda onkologııalyq naýqastarǵa jáne olardyń otbasylaryna psıhologııalyq kómek jáne psıhotúzetý qyzmetterin kórsetetin kásipkerlikti damytý jónindegi áleýmettik joba qoldaý tapty.

Kezdesý qorytyndysy boıynsha ýákiletti organdarǵa tıisti tapsyrmalar berilip, olardyń oryndalýy jeke baqylaýǵa alyndy.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT