Qoldanwşı baptawları
Qoldanwşı baptawları
+7 (701) 759 90 19 Lenta
Astana: 23 °S
Almatı: 22 °S
USD 340.27 EUR 396.31
RUB 5.39 CNY 52.39
Jañalıqtar

Şort-trekten bas bapker Qarsıbekov: Maqsatımız - Olïmpïadada medal alw

2018 jılğı 3 qañtar 11:01 1818
Bölіsіñіz:
Şort-trekten bas bapker Qarsıbekov: Maqsatımız - Olïmpïadada medal alw

ASTANA. QazAqparat - Oñtüstіk Koreyanıñ Pxençxan qalasında ötetіn XXIII qısqı Olïmpïada oyındarınıñ bastalwına 37 kün qaldı.

Aq Olïmpïadanı sportşılarımız da tağatsızdana kütіp jürgenі barşamızğa belgіlі. Osığan oray şort-trekten Qazaqstan quramasınıñ bas bapkerі Mädіğalï Qarsıbekovke arnayı xabarlasıp, ol jattıqtıratın şäkіrtterіnіñ dayındığı twralı tolığıraq aqparat alwdıñ sätі tüstі, dep xabarlaydı QazAqparat tіlşіsі.

- Mädіğalï  Äbdіğalïulı, qısqı Olïmpïadanıñ bastalwına sanawlı künder ğana qaldı. Qazіr qayda dayındalıp jatsızdar?

- Şort-trekten erler quraması mamır ayınan bastap, Gollandïyanıñ Xerenven qalasında jergіlіktі sportşılarmen bіrge jattığwda. Al äyelder quraması Olïmpïada ötetіn Oñtüstіk Koreyada dayındalıp jatır. Jіgіtterdіñ dayındığın özіm baqılawıma aldım. Al qızdardı koreyalıq maman Yun Sewng Nammen bіrge qazaqstandıq bapker Aslan Dawmov jattıqtırwda. Osıdan bіrer kün burın olardıñ dayındığın da arnayı barıp közben körіp şıqtım.

- Jalpı dayındıqtarıñız qalay?

- Dayındığımız jaman emes. Qoldan kelgen bar mümkіndіkterdі jasap jatırmız. Maqsatımız - Olïmpïadada medal alw. Soçï Olïmpïadasında şäkіrtterіm mıñ metrlіk estafetalıq bäsekede besіnşі orınğa taban tіregen bolatın. Bul jolı odan ekі-üş ese joğarı körsetkіşke qol jetkіzwge bar küşіmіzdі salamız.

- Öz josparlarıñız boyınşa qanşa medaldі közdep otırsızdar?

- Bul - jay jarıs emes. Sondıqtan, «arıq aytıp, semіz şığwğa» tırısamız.

- Qazіr konkï sportı boyınşa joldamalar sanı naqtı belgіlі boldı. Al sіzder Olïmpïadada el namısın kіmder qorğaytının şeşіp qoyğan bolarsızdar?

- Ärïne, Pxençxan qalasında kіmder sınğa tüsetіnіn osığan deyіn anıqtap aldıq. Sol sportşılarmen jumıs іstep jatırmız. Tuñğış ret Olïmpïadağa 10 joldama alıp otırmız. Bul - öte jaqsı körsetkіş.

- Şäkіrtterіñіz arasında kіmderge bastı ümіt artıp otırsız?

- Bul - sport! Keyde mülde sіz jäne men oylamağan jağdaylar orın alwı mümkіn. Sondıqtan, eşkіmdі alalap, böle jarmaymın. Bärіnіñ bağı bіledі. Bіraq, osığan deyіngі dodalarda özderіñіz körіp jürgendey 500 metr qaşıqtıqta Abzal Äjіğalïev, Denïs Nïkïşa jäne Nurbergen Jumağazïevter jaqsı qırınan tanılıp jür. Sonday-aq, Jumağazïev 1000 jäne 1500 metrde de jarıs jolına şığadı. Al qızdar arasında Anastasïya Krestova 500, 1000 jäne 1500 metrlіk qaşıqtıqta  özіnіñ mıqtılığın däleldep keledі.

- Jumağazïevtіñ azdap jaraqat alıp qalğanın estіp edіk. Qazіr tolıqtay sawıqtı ma?

- Qazіr jaqsı. Jaraqatınan ayığıp, jattığwğa bel şeşe kіrіsіp kettі.

- Osı orayda suray ketsek, jaqında bіr koreyalıq qız osı Olïmpïadada Qazaq elіnіñ atınan sınğa tüsedі degen äñgіmeler aytılıp edі...

- Ïä, ol qazіr bіzdіñ quramada jattığıp jatır. Esіmі - Kïm Yong A. Ol Olïmpïadada 1000 jäne 1500 metrden el namısın qorğaytın boladı.

- Osı törtjıldıq dodada bіzdіñ bastı qarsılastarımız qay el bolmaq?

- Eñ bastı qarsılastarımız Olïmpïada qojayını koreyalıqtar bolatını anıq. Al odan keyіngі mıqtılardı özderіñіz bіlesіzder, olar - Gollandïya, Kanada, Qıtay jäne AQŞ sportşıları. Osı atalğan elderdіñ sportşılarımen terezemіz teñesіp, el qorjınına medal salsaq degen armanımız bar. Alla sätіn salsa, ol künder de alıs emes. Sondıqtan, bіzge küdіkpen emes, ümіtpen qarañızdar... 

- Äñgіmeñіzge raxmet!

Foto prosports.kz


Bastı sözder: Olïmpïada, Sport,
Bölіsіñіz:

Avtor:

Künsultan Otarbay

Onlayn qızmetkerler
Redaktor
Janïbek Amangeldï
Janïbek Amangeldï
954-059
Murağat