+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Shókeev: Maqtaaral aýdanyndaǵy qurylys jumystary bir sátke de báseńdemeýi tıis

2020 jylǵy 25 maýsym 19:37
Bólisińiz:
Shókeev: Maqtaaral aýdanyndaǵy qurylys jumystary bir sátke de báseńdemeýi tıis

NUR-SULTAN. QazAqparat - Búgin Túrkistan oblysynyń ákimi Ómirzaq Shókeev jumys saparymen Maqtaaral aýdanyna bardy. Sapar barysynda oblys ákimi aldymen Jańajol aýyl okrýgine qarasty sý tasqynynan zardap shekken Órgebas eldimekenin qalpyna keltirý jumystarymen tanysty, dep habarlaıdy oblystyq ákimdiktiń baspasóz qyzmeti.

Uqsas jańalyqtar
Qordaı aýdany turǵyndarynyń ál-aýqatyn arttyrýǵa 35 mlrd teńgeden astam qarajat baǵyttaldy Almatyda bos jatqan jerler qalaı paıdalanylmaq Sýmen jabdyqtaý jobalaryna otandyq materıaldar paıdalaný kerek - Úkimet basshysy

Búgingi tańda munda 209 úıdiń 184-iniń ıelerimen kelisimshart túzilip, 184 otbasyna 8,5 mln teńge qarjy aýdarylǵan. Jalpy búgingi tańda buzylǵan úı sany 145-ke jetip otyr. Atalǵan 145 úıdiń aýmaǵy tazartylyp, irgetasyn quıý jumystaryna daıyndalǵan. Al 122 úı irgetasy quıylyp, 31 baspananyń qabyrǵalary qalanýda.

Atqarylǵan jumystarmen tanysqan Ómirzaq Estaıuly úı qurylysyn jyldamdatý men aýlalardy qoqystan tazartý, jol jóndeý jumystaryn jedeldetýdi tapsyrdy. Aıta keteıik, Órgebas aýylyna Jetisaı aýdany jaýapty bop bekitilgen bolatyn. Qazir mundaǵy jumystarǵa 613 qurylysshy tartylǵan.


Munan soń oblys ákimi Fırdaýsı aýylyna at basyn burdy. Munda da qurylys jumystary qarqyn alǵan. Qazirgi tańda Fırdaýsıdaǵy 340 úıdiń 277 baspana ıelerimen kelisimshart jasalyp, bárine derlik 8,5 mln teńgeden aýdarylǵan. Munda búginde 133 úıdiń irgetasy quıylyp, 17 úıdiń qabyrǵasy qalanýda. Sondaı-aq, 1 úıdiń shatyry jabylýda.

Oblys ákimi sapar barysynda Myrzakent kentindegi jańa móltek aýdanda júrgizilip jatqan qurylys jumystarymen de tanysty. Jańa móltek aýdanda búginde Jeńis, Jańaturmys, Dostyq eldi meken turǵyndarynyń kelisimi boıynsha 386 jeke turǵyn úıdiń qurylysy júrgizilýde. Onyń ishinde 196 turǵyn úı memlekettik bıýdjet esebinen, qalǵan 190 turǵyn úı («B.Ýtemýratov», «Salıqaly urpaq», «Biz Birgemiz») qorynan salynýda. Munda búginde 274 úıdiń qabyrǵasy qalanyp, 65 úıdiń shatyryn jabý jumystary jalǵasýda jáne 55 úıdiń ishki syrtqy árleý jumystary júrgizilýde. 1-shildege deıin 100 úıdiń shatyryn jabý josparlanyp otyr.


«Maqtaaral aýdanyndaǵy sý basqan 5 eldimekendegi tótenshe jaǵdaı saldaryn joıý, jańa móltek aýdan men eki aýyldaǵy úı salý jumystaryn bir sátke de báseńdetýge bolmaıdy. Eń bastysy – qurylystyń sapasyna mán berýimiz qajet. Sondaı-aq, úı salýǵa bólinetin, 1000 dollarlyq, 100 myń teńgelik tólemderdi der kezinde aýdaryp berý, tóleý máselelerine jyldamdatý kerek. Tamyz aıynyń alǵashqy kúninde jańa móltek aýdandaǵy úılerdiń báriniń derlik shatyrlary jabylyp bitýi tıis», – dedi Ómirzaq Estaıuly.

Sapar sońynda óńir basshysy oblystyq shtabta májilis ótkizip, jaýapty basshylarǵa naqty tapsyrmalar júktedi. Sonyń ishinde úı qurylysy, bir rettik ótemaqy, aýyl sharýashylyǵy shyǵyndaryn óteý, Fırdaýsı, Órgebas aýyldaryndaǵy tótenshe jaǵdaı saldaryn joıý jumystary týraly kúndelikti málimet berip otyrýdy tapsyrdy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT