+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

ShOB sýbektileri qandaı salyqtardan bosatyldy

2020 jylǵy 3 sáýir 12:14
Bólisińiz:
ShOB sýbektileri qandaı salyqtardan bosatyldy

NUR-SULTAN. QazAqparat - Qazaqstanda bıznesti qoldaý úshin salyqtyq yntalandyrý sharalary qabyldandy. Bul týraly Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıstri Mádı Taqıev aıtty, dep habarlaıdy QazAqparat tilshisi.

Uqsas jańalyqtar
2020 jyldyń 11 aıynda Qazaqstanda 430 myń tonnadan astam et óndirildi – QR AShM Saǵyntaev jańa máslıhattyń aldynaǵy sózinde  Almatynyń ózekti mindetterin atady Shymkent ákimi «Juldyz» ındýstrııaldy aımaǵyn qurý boıynsha naqty tapsyrmalar berdi

«Aǵymdaǵy jaǵdaıda Úkimet Memleket basshysynyń tapsyrmasy boıynsha shaǵyn jáne orta bıznesti qoldaý úshin jedel sharalar qabyldap jatyr. Jańa bastamalar bıznestiń qarjylandyrýǵa qoljetimdiligin arttyrýdy, qosymsha salyqtyq yntalandyrýdy iske asyrýdy, bıznesti tekserýlerden shekteýdi kózdeıdi», - dedi ol.

Onyń atap ótýinshe, Memleket basshysynyń «Ekonomıkany turaqtandyrý jónindegi odan arǵy sharalar týraly» Jarlyǵyna sáıkes bıznesti qoldaý úshin salyqtyq yntalandyrý sharalary qabyldandy. Olar saýdadan bastap týrıstik bızneske deıin ekonomıkanyń túrli sektorlaryn qamtıdy.

«Máselen, iri saýda nysandary, saýda oıyn-saýyq ortalyqtary, kınozaldar, teatrlar, kórmeler men sporttyq nysandar, qoǵamdyq tamaqtaný, qonaqúı men týrıstik qyzmet salasynda jumys isteıtin salyq tóleýshiler jyldyń sońyna deıin salyqtan bosatyldy. Buǵan qosa, Salyq salýdyń jalpy belgilengen tártibimen jumys isteıtin jeke kásipkerler de jyldyń sońyna deıin jeke tabys salyǵynan bosatylyp otyr», - dedi Mádı Taqıev.

Sondaı-aq vıtse-mınıstrdiń aıtýynsha, agroónerkásip keshenin qoldaý maqsatynda iri qara men asyl tuqymdy qusty qosa alǵanda AÓK-tiń bıologııalyq aktıvterin ıporttaý barysynda qosylǵan qun salyǵy salynbaıdy. Buǵan qosa, aýyl sharýashylyǵy taýarlaryn óndirýshiler aýyl sharýashylyǵy maqsatyndaǵy jerlerdiń jer salyǵynan da bosatylady.

«Sonymen qatar baǵa ósimin joıý úshin 2020 jyldyń 1 qazanyna deıin áleýmettik mańyzy bar azyq-túlik taýarlaryna qosylǵan qun salyǵynyń mólsherlemesi 12-den 8 paıyzǵa deıin tómendetildi», dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT