ShQO jáne Abaı oblysynda elektr energııasynyń tarıfi tómendetildi

2022 jylǵy 28 qyrkúıek, 14:43
ShQO jáne Abaı oblysynda elektr energııasynyń tarıfi tómendetildi

ASTANA. QazAqparat – Shyǵys Qazaqstan jáne Abaı oblystarynda elektr energııasymen jabdyqtaıtyn birneshe uıymnyń tarıfi tómendetildi. Bul týraly Ulttyq ekonomıka mınıstrligi Tabıǵı monopolııalardy retteý komıtetiniń baspasóz qyzmetinen málim etti, dep habarlaıdy QazAqparat.

«Tabıǵı monopolııalar týraly» Zańnyń 22-baby 1-tarmaǵynyń 8-tarmaqshasyna sáıkes, elektr energııasyn berý jónindegi rettelip kórsetiletin qyzmetti usynatyn tabıǵı monopolııa sýbektisi qyzmetiniń memlekettik energetıkalyq qadaǵalaý jáne baqylaý jónindegi memlekettik organnyń aqparaty negizinde, «Elektr energetıkasy týraly» Zańnyń 13-1-baby 6-tarmaǵynyń talaptaryna sáıkes kelmeýi ýákiletti organ bekitken tarıfti onyń qoldanylý merzimi aıaqtalǵanǵa deıin ózgertý úshin negiz bolyp tabylady.

Osyǵan baılanysty, Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Shyǵys Qazaqstan oblysy boıynsha departamenti Shyǵys Qazaqstan oblysy boıynsha Atomdyq jáne energetıkalyq qadaǵalaý men baqylaý komıtetiniń aýmaqtyq departamentiniń 2022 jylǵy 6 qyrkúıektegi aqparaty negizinde, mynadaı uıymdardyń elektr energııasyn berý jónindegi qyzmetterine tarıfterdi tómendetti:

- «Energıs» JShS 2023 jylǵy 1 qańtardan bastap qoldanysqa engizile otyryp, 0,48 teńge/kVts-tan 0,36 teńge/kVts-qa deıin, mynda tómendeý 26%;

- «Teplokommýnenergo» MKK 2022 jylǵy 1 qazannan bastap qoldanysqa engizile otyryp, 0,286 teńge/kVts-tan 0,274 teńge/kVts-qa deıin, mynda tómendeý 4%;

- «Rıdder JEO» AQ 2022 jylǵy 1 qarashadan bastap qoldanysqa engizile otyryp, 0,23 teńge/kVts-tan 0,17 teńge/kVts-qa deıin, mynda tómendeý 25%;

- «Eńbek-Óskemen» RMK 2022 jylǵy 1 qarashadan bastap qoldanysqa engizile otyryp, 0,661 teńge/kVts-tan 0,633 teńge/kVts-qa deıin, mynda tómendeý 4%», - delingen baspasóz málimdemesinde.


Seriktester jańalyqtary

Jańalyqtar