Jańalyqtar  >
ShQO turǵyndarynyń peshtegi tamaqty umyt qaldyrýy saldarynan 57 ret órt bolǵan
2022 jylǵy 11 tamyz 04:31

ShQO turǵyndarynyń peshtegi tamaqty umyt qaldyrýy saldarynan 57 ret órt bolǵan

ÓSKEMEN. QazAqparat – Shyǵys Qazaqstan oblysynda jyl basynan beri turǵyndardyń peshtegi tamaqty umyt qaldyrýy saldarynan 57 ret órt shyqty, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, Óskemende Qabanbaı batyr kóshesindegi úıde peshke qoıylyp umytylyp ketken tamaq órttiń shyǵýyna sebep boldy. Sol kezde úı ıesi uıyqtap jatqan. Oqıǵa ornyna shuǵyl kelip jetken órt sóndirýshiler qyzyl jalyndy tolyqtaı aýyzdyqtady.

«2022 jyldyń basynan beri qutqarýshylar osyndaı jaǵdaılarǵa 57 ret bardy. Peshte tamaqty umyt qaldyrý óte qaýipti. Balalar, qarttar, tynys alýy aýrýlary bar adamdar tútinnen zardap shegedi. Tamaqty peshke qoıyp uıyqtap jatqan azamat eshqashan oıanbaı qalýy múmkin», - dep eskertti qutqarýshylar.

Peshke tamaq qoıyp umyt qaldyrǵany saldarynan órt shyqsa QR ÁQBtK-niń 410-baby boıynsha eskertý jasalyp nemese jeke tulǵalarǵa 5 AEK mólsherinde aıyppul salynady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT