ShQO ormandarynda sáýirden beri 33 órt shyqty
2022 jylǵy 23 mamyr 14:49

ShQO ormandarynda sáýirden beri 33 órt shyqty

ÓSKEMEN. QazAqparat – Shyǵys Qazaqstan oblysyndaǵy ormandarda sáýir aıynan beri 33 órt shyqty, dep habarlaıdy QazAqparat tilshisi.

ShQO TJD baspasóz qyzmetiniń málimetine súıensek, óńirde sáýir aıynan beri dalada 215 ret shóp janǵan. Qyzyl jalynnyń jalpy aýdany 481 gektardy quraǵan. Budan bólek, ormandarda 33 órt shyǵyp, 414 gektar jer otqa orandy.

«Qutqarýshylar tilsiz jaýdyń aldyn alý úshin kosmomonıtorıngti paıdalanýda. Ondaǵy derekterdi «Qazaqstan Ǵarysh Sapary» UK AQ men Geosat JShS usynady. Termonúkteler boıynsha derekterdi alyp, otty tutanǵan sátinde sóndirýge múmkindik bar. Búginde ǵaryshtyq tehnologııanyń kómegimen departament qyzmetkerleri 93 órttiń taralýyna jol bermedi», - delingen aqparatta.

Dala órtiniń aldyn alý úshin memlekettik órt baqylaý organdarynyń qyzmetkerleri polıtseılermen, ormanshylarmen jáne jergilikti atqarýshy organ ókilderimen birlesip profılaktıkalyq reıdter júrgizýde. 444 adamnan turatyn 68 mobıldi top qurylǵan.

«Búginge deıin 391 reıd ótkizildi. Sonyń nátıjesinde shóp órteýge jáne ot jaǵýǵa baılanysty qaýipsizdik erejelerin buzǵan 38 azamat ákimshilik jaýapkershilikke tartyldy», - delingen habarlamada.

Eske sala ketsek, osyǵan deıin Shyǵys Qazaqstanda birde-bir jaǵajaı shomylý maýsymyna daıyn emes ekendigin habarlaǵan edik.


Uqsas jańalyqtar

Jańalyqtar

MURAǴAT