Valıýta baǵamdary:
    usd/kzt 476.71 eur/kzt 467.03

    rub/kzt 8.36 cny/kzt 67.1
Aýa raıy:
Nur-Sultan: +2+4℃
  Jańalyqtar  >

ShQO men Abaı oblysyndaǵy mektepterde órt qaýipsizdigin buzýdyń 2 myńnan astam faktisi tirkeldi

2022 jylǵy 18 tamyz 23:30

ÓSKEMEN. QazAqparat – Shyǵys Qazaqstan jáne Abaı oblystaryndaǵy mektepterde órt qaýipsizdigin buzýdyń 2 myńnan astam faktisi tirkeldi, dep habarlaıdy QazAqparat tilshisi.

Búgingi tańda eki óńirde 653 bilim berý mekemesi bar. ShQO Tótenshe jaǵdaılar departamenti baspasóz qyzmetiniń málimetine súıensek, jyl basynan beri 420 mektep erekshe tártipte tekserilgen.

«Sonyń nátıjeleri boıynsha 417 nysan, ıaǵnı 99%-y órt qaýipsizdigi talaptaryn buza otyryp paıdalanylǵany anyqtaldy. Jalpy sany 2 myńnan astam buzýshylyq tirkeldi. 392 laýazymdy jáne zańdy tulǵa ákimshilik jaýapqa tartyldy. Onyń ishinde 320-sy eskertý alsa, 82 azamatqa jalpy somasy 3 mln 607 myń teńge aıyppul salynǵan», - deıdi departamenttiń memlekettik órt baqylaý basqarmasy bastyǵynyń mindetin atqarýshy Nurjan Ómirjanov.

Qazirgi ýaqytta barlyq buzýshylyqtar tekserilip, joıyldy. TJD ınspektorlary profılaktıka aıasynda mektep pen balabaqshada jumys isteıtin 4,5 myńnan astam adamǵa 179 nusqamalyq, pedagogter men balalardy evakýatsııalaýdy úıretý úshin 98 birlesken oqý-jattyǵý ótkizdi. Sondaı-aq 10 415 oqýshyǵa 62 ınteraktıvti sabaq uıymdastyrylǵan.


Avtor:

Talǵatjan Muhametbekuly

Novostı po teme
Uqsas jańalyqtar
Seriktester jańalyqtary