+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

ShQO qutqarýshylary «joıqyn jer silkinisine» daıyndalý úshin oqý-jattyǵý ótkizýde

2021 jylǵy 21 qyrkúıek 14:39
Bólisińiz:
ShQO qutqarýshylary «joıqyn jer silkinisine» daıyndalý úshin oqý-jattyǵý ótkizýde

ÓSKEMEN. QazAqparat – Shyǵys Qazaqstan oblysynyń qutqarýshylary Almaty oblysyndaǵy «Jer-2021» halyqaralyq komandalyq-shtabtyq oqý-jattyǵýyna qatysýda, dep habarlaıdy QazAqparat tilshisi.

Uqsas jańalyqtar
ShQO-da 1 jarym gektardy sharpyǵan dala órti sóndirildi Atyraý oblysynda jer silkindi degen jalǵan aqparat tarady Qazaqstan men Qyrǵyzstan shekarasynda jer silkindi

ShQO Tótenshe jaǵdaılar departamenti baspasóz qyzmetiniń málimetine súıensek, 21 qyrkúıekte Almaty oblysynyń Tamǵaly Tas shatqalyndaǵy oqý-jattyǵý polıgonynda joıqyn jer silkinisi bolǵan kezde is-áreketti pysyqtaý úshin arnaıy daıyndyq bastaldy. Oǵan oblystyq Jumyldyrý daıyndyǵy basqarmasy men TJD ókilderi jáne basqa da basqarmalardyń azamattyq qorǵaý qyzmetkerleri qatysýda.

Oqý-jattyǵý stsenarııi boıynsha Almaty oblysynda joıqyn jer silkinisi bastalǵan. Soǵan oraı joǵary ázirlik rejımine kóshý, jer silkinisine qarsy qabyldanǵan sharalarynyń tıimdiligi men deńgeıin arttyrý, tótenshe jaǵdaılardyń aldyn alý jáne olardy joıý kezinde azamattyq qorǵaý kúshteriniń úılesimdi is-qımyl jasaýy kózdeldi.

«Bizdiń aldymyzda jer silkinisi nátıjesinde týyndaǵan tótenshe jaǵdaılardy joıýǵa daıyndyq deńgeıin arttyrý mindeti turdy. Zardap shekken aımaqqa kómek kórsetý úshin avtokólikpen jáne temirjol arqyly qutqarýshylardy, tehnıkalardy jóneltýdi jedel uıymdastyrdyq», - dedi Óskemen qalalyq TJB aǵa ofıtseri Valentın Lıtvınenko.

Barlyǵy Óskemennen 1 avtokolonna quryldy. Onyń quramyna 56 adam jáne 23 tehnıka kirdi. Avtokolonna jergilikti polıtsııa qyzmetimen birge Almaty oblysyna qaraı baǵyt alady.

Oqý-jattyǵýdyń ekinshi kezeńinde temirjolmen azamattyq qorǵaýdyń ınjenerlik quramalarynan 28 adam jáne 6 tehnıka jiberildi. Shtab Almaty qalasynda negizgi qutqarý qyzmetteriniń birlesken is-qımyldaryn ázirleý jáne úılestirý úshin quryldy. Bólimshelerdi onlaın-translıatsııaǵa qosý tájirıbesi qoldanyldy. Bul júrgizilip jatqan jumys týraly aqparatty jedel alýǵa múmkindik beredi.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT