ShQO kásiporyndary jumysshylardyń jaraqat alý faktilerin jasyrǵany anyqtaldy
2022 jylǵy 21 maýsym 20:35

ShQO kásiporyndary jumysshylardyń jaraqat alý faktilerin jasyrǵany anyqtaldy

ÓSKEMEN. QazAqparat – Shyǵys Qazaqstan oblysyndaǵy kásiporyndar jumysshynyń jaraqat alýynyń 16 faktisin jasyrǵan, dep habarlaıdy QazAqparat tilshisi.

ShQO Prokýratýrasy baspasóz qyzmetiniń málimetine súıensek, búginde óńirdegi óndiris oryndarynda 87 myńǵa jýyq adam eńbek etedi. Sondyqtan eńbekti qorǵaý men ónerkásiptik qaýipsizdikti qadaǵalaý árqashan basty nazarda.

«2019 jyldan beri oblystaǵy kásiporyndarda 688 jazataıym oqıǵa bolyp, 66 adam kóz jumdy. Óndiristik jaraqat sany boıynsha ken-metallýrgııa salasy dástúrli túrde kósh basynda. Qazirgi ýaqytta jumystaǵy jaraqat alý faktisin jasyryp qalý máselesi ózekti. Biz osyndaı 16 faktini anyqtadyq. Jaýapkershilikten jaltarǵan jumys berýshilermen qatar, olarǵa jumysshylardyń ózderi de aıtpaı jatady», - delingen aqparatta.

Óndiristegi jazataıym oqıǵany jasyrý – jumys berýshini jaýapkershilikten aıyrady. Osynyń saldarynan zardap shekken jumysshy ótemaqydan qaǵylyp, quqyqtyq qoldaý sharalaryna ıe bola almaıdy.


Uqsas jańalyqtar

Jańalyqtar

Úrdis

MURAǴAT