+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

ShQO Densaýlyq saqtaý basqarmasynyń basshysy qyzmetin bosatty

2020 jylǵy 20 qazan 22:02
Bólisińiz:
ShQO Densaýlyq saqtaý basqarmasynyń basshysy qyzmetin bosatty

ÓSKEMEN. QazAqparat – Shyǵys Qazaqstan oblysy Densaýlyq saqtaý basqarmasynyń basshysy Іlııas Muhamedjan qyzmetin bosatty, dep habarlaıdy QazAqparat tilshisi.

Bul jaıly ol Facebook-tegi jeke paraqshasynda jazdy.

«Basqa jumysqa aýysýyma baılanysty men ShQO Densaýlyq saqtaý basqarmasynyń basshysy qyzmetinen kettim. 3 jyl ishinde óńirde kóptegen mańyzdy jobalar iske asyryldy. Osy ýaqyt aralyǵynda halyqaralyq standarttarǵa sáıkes keletin 2 myńnan astam zamanaýı jabdyq alyndy. Bul joǵary tehnologııalyq medıtsınalyq tehnıka kólemin 2,5 esege ulǵaıtýǵa, dıagnostıka men emdeýdiń 130 myńnan astam jańa ádisterin engizýge jáne halyqaralyq aýdıt mindetterin 100% oryndaýǵa múmkindik berdi. Oblystyq Onkologııalyq dıspanser men Ana men bala ortalyǵyna 128 tilimge arnalǵan eki kompıýterlik tomograf ornatyldy», - dedi Іlııas Muhamedjan.

Onyń aıtýynsha, qabyldanǵan sharalar negizgi kórsetkishterdiń serpinin jaqsartty, máselen náreste ólimin - 14,8%, qaterli isikten bolatyn ólimdi - 5,9%, týberkýlezden bolatyn ólimdi - 63% tómendetti.

«Medıtsınalyq uıymdar COVID-19-dyń ekinshi tolqynyna daıyndalyp jatyr. Tósek-oryn 12 esege ulǵaıtyldy. Qajetti jabdyqtar men dári-dármekter satyp alyndy. Jyl sońyna deıin táýligine 5 myń synama jasaıtyn taǵy bes jańa PTR-zerthana ashý josparlanýda. Bul, bizdiń óńir halqyna taldaý nátıjelerin ýaqytyly alýǵa múmkindik beredi», - dedi Іlııas Muhamedjan.

Aıta keteıik, Іlııas Muhamedjan S.D.Asfendııarov atyndaǵy QazMMÝ-dy bitirgen. Almaty Jedel medıtsınalyq kómek aýrýhanasynyń operatsııalyq blogynda sanıtar bolyp jumys istedi. Keıin B.O.Jarbosynov atyndaǵy Ulttyq ýrologııa ortalyǵynda (UÝO) ǵylymı qyzmetker, UÝO-da ǵylymı-zertteý qyzmeti jónindegi basqarma tóraǵasynyń orynbasary qyzmetterin atqardy.

Qazirgi qyzmetine 2019 jyldyń 8 mamyrynda taǵaıyndalǵan bolatyn.


Foto: facebook.com/iliyas.mukhamedzhan
Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT