ShQO-daǵy taýly jerlerde 4 naýryzǵa deıin qar kóshkini júrý qaýpi bar
2022 jylǵy 1 naýryz 10:45

ShQO-daǵy taýly jerlerde 4 naýryzǵa deıin qar kóshkini júrý qaýpi bar

ÓSKEMEN. QazAqparat – Shyǵys Qazaqstan oblysyndaǵy taýly jerlerde 4 naýryzǵa deıin qar kóshkini júrý qaýpi saqtalady, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 1-4 naýryz aralyǵynda óńirde qar kóshkini júrý qaýpi bar.

«Meteorologııalyq jaǵdaıdyń ózgerýine, aýa temperatýrasynyń kúrt jylynýy jáne jeldiń kúsheıýine baılanysty oblystyń taýly jerlerinde qar kóshkini túsýi yqtımal. Osy rette, turǵyndarǵa barynsha abaı bolýdy, eshbir jaǵdaıda taýǵa shyqpaý qajettigin eskertemiz. Eger qandaı da bir qıyndyqqa tap bolsańyzdar birden «112» nómirine qońyraý shalyńyz», - dep habarlady vedomstvo ókilderi.

Sondaı-aq qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.


Seriktester jańalyqtary

Jańalyqtar

Úrdis

MURAǴAT