+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

ShQO-daǵy órttiń alǵashqy yqtımal sebepteri aıtyldy

2021 jylǵy 11 mamyr 11:35
Bólisińiz:
ShQO-daǵy órttiń alǵashqy yqtımal sebepteri aıtyldy

NUR-SULTAN. QazAqparat – Shyǵys Qazaqstandaǵy orman órtiniń alǵashqy yqtımal sebepteri belgili boldy, dep habarlaıdy QazAqparat tilshisi.

Tótenshe jaǵdaılar mınıstrliginiń resmı ókili Talǵat Ýálı BAQ ókilderine Rıdder qalasynyń Leshoz kentindegi orman órtiniń alǵashqy yqtımal sebepterin atady.

«Aldyn ala berilgen aqparat boıynsha mamandar qasaqana órteý jáne otty abaısyz qoldaný nusqalaryn qarastyrýda. «Qazıvıaormankúzetiniń» Mı-8 tikushaǵymen órtti áýeden sóndirý jumystarynyń nátıjesinde búgin saǵat 07.00-de eldi meken aýmaǵyndaǵy órt sóndirildi. Orman órti perımetriniń shetinde ashyq janý joq. Qazirgi ýaqytta jekelegen ýchaskelerde aǵash dińderin sóndirý júrgizilýde», - dedi Talǵat Ýálı.

Resmı ókildiń málimeti boıynsha, zardap shekkenderdiń sany sol qalpy. Bir adam kóz jumyp, eki adam aýrýhanaǵa túsken.

«Jedel járdem jelisi boıynsha Leshoz kentinen 1949 jáne 1980 jyly týǵan eki er adam kúıik shalyp, jergilikti aýrýhananyń reanımatsııa bólimine jetkizilgeni týraly aqparat kelip tústi. Órt ornynda 1948 jyly týǵan áıeldiń máıiti tabyldy», - dedi mınıstrlik ókili.

Esterińizge sala ketsek, 10 mamyr kúni ShQO-daǵy Rıdder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty. Órtke baılanysty shuǵyl jeli iske qosyldy.

Memleket basshysy Úkimet pen Shyǵys Qazaqstan oblysynyń ákimdigi órtten zardap shekken Leshoz kentiniń turǵyndaryna kómek kórsetip, baspanamen qamtamasyz etýdi tapsyrdy.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT