ShQO-daǵy orman órtteriniń 60 %-na naızaǵaı sebep bolǵan
2022 jylǵy 23 maýsym 02:31

ShQO-daǵy orman órtteriniń 60 %-na naızaǵaı sebep bolǵan

ÓSKEMEN. QazAqparat - Shyǵys Qazaqstanda jyl basynan beri 814,1 gektar aýmaqty qamtyǵan 74 orman órti tirkeldi, onyń 60 %-y naızaǵaıdan tutanǵan, dep habarlaıdy QazAqparat.

Aımaqtaǵy tótenshe jaǵdaılar qyzmetiniń málimetinshe, 36 órt turǵyndardyń otty abaısyz qoldanýynyń saldarynan týǵan.

«Órttiń qaýipti kezeńi bastalǵannan beri Shyǵys Qazaqstan oblysynyń qutqarýshylary kúsheıtilgen qyzmet túrine kóshti. Tutanýdy bastapqy satyda qadaǵalaý úshin TJD mamandary kosmomonıtorıngti paıdalanady. Búgingi tańda ǵaryshtyq tehnologııanyń kómegimen 482 termııalyq núkte tirkeldi, olardy Órt sóndirý bólimsheleri jedel pysyqtady jáne órttiń odan ári taralýyna jol bermedi», - dep jazdy vedomstvodan.

TJD kún saıyn aerovızýaldy tekserý kómegimen jaǵdaıǵa monıtorıng jasalatynyn atap ótken. 22 maýsymda 5 ushý júzege asyrylǵan.

«Aýyl sharýashylyǵy alqaptarynda qurǵaq shópti baqylaýsyz jaǵý, orylǵan shópti órteý jáne órt qaýipsizdigi erejelerin saqtamaý sharalaryna Ákimshilik quqyq buzýshylyq týraly kodekstiń 336, 410-baptary boıynsha jaýapkershilik kózdelgen. Qazirge deıin 336-bapty buzǵany úshin 11 jáne 410-bap boıynsha 28 azamat ákimshilik jaýapkershilikke tartyldy», - dep málimdedi vedomstvo.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT