ShQO-daǵy burynǵy aýdan ortalyqtarynda 15 myń jańa jumys orny quryldy

2022 jylǵy 26 qyrkúıek, 02:15
ShQO-daǵy burynǵy aýdan ortalyqtarynda 15 myń jańa jumys orny quryldy

ÓSKEMEN. QazAqparat – Shyǵys Qazaqstan oblysyndaǵy burynǵy aýdan ortalyqtarynda 15 myń jańa jumys orny quryldy, dep habarlaıdy QazAqparat tilshisi.

ShQO ákimdiginiń málimetine súıensek, sońǵy 2 jylda shekaralyq aımaqtar men burynǵy aýdan ortalyqtaryn damytý boıynsha óńirlik baǵdarlama júzege asyrylýda.

«Eldi mekenderdiń negizgi máseleleri men damý múmkindikterin anyqtaý maqsatynda arnaıy taldaý júrgizilip, nátıjesinde halyqtyń ómir súrý sapasyn jaqsartý maqsatyndaǵy keshendi jospar ázirlendi. Qytaı Halyq Respýblıkasymen shekaralas jatqan aýdandar úshin byltyr 43 mln teńgege túrli jobalar iske asyryldy. Jalpy 2024 jylǵa deıin 44 mlrd teńge jumsalmaq», - dedi oblys ákimi Danıal Ahmetov.

Al burynǵy aýdan ortalyqtaryn damytýdyń 2021-2024 jyldarǵa arnalǵan baǵdarlamasyna 43 mlrd teńge qarastyrylǵan. Bıyl 8 mlrd teńgeniń jobalary qolǵa alynady.

«Eki jylda burynǵy aýdan ortalyqtarynda 15 myńnan astam jańa jumys orny ashyldy. Jalpy aýdany 18,8 myń sharshy metrdi quraıtyn 9 sporttyq nysan, 3 kóppáterli jáne 102 jeke turǵyn úı salyndy. 284 shaqyrym sý qubyrlary tartylyp, 156 áleýmettik nysan jóndeýden ótti», - dedi aımaq basshysy.

Uqsas jańalyqtar
Seriktester jańalyqtary

Jańalyqtar