+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

ShQO-daǵy Aqbaýyr shatqalynan saq metallýrgııasynyń izderi tabyldy

2021 jylǵy 14 shilde 19:54
Bólisińiz:
ShQO-daǵy Aqbaýyr shatqalynan saq  metallýrgııasynyń izderi tabyldy

NUR-SULTAN. QazAqparat – Arheolog Zeınolla Samashev bastaǵan zertteýshiler Shyǵys Qazaqstannyń Aqbaýyr shatqalynan saq zamanynan beri saqtalǵan metallýrgııalyq jádigerlerdi tapty, dep habarlaıdy QazAqparat.

Shyǵys Qazaqstannyń Ulan aýdanyndaǵy Aqbaýyr shatqalynda Zeınolla Samashevtiń basqarýymen júrip jatqan qazba jumystary taǵy bir qundy ǵylymı jańalyqqa jol ashatyn túri bar. «Altaı-Tarbaǵataı qola dáýirinen erte orta ǵasyrlarǵa deıin» atty jobanyń aıasynda arheologtar bes iri eldi mekende, eki qorshaýda, eki ejelgi qazbada jáne jerleý-eske alý sıpatyndaǵy nysanda zertteý júrgizgen.

Ekspedıtsııa jetekshisi Zeınolla Samashev tabylǵan jádigerler ejelgi saqtardyń tek mal baǵyp qana qoımaı, qolónermen, metallýrgııamen shuǵyldanǵanyn aıǵaqtaıdy dep otyr. Shyǵys Qazaqstan oblysynyń ákimi Danıal Ahmetov Aqbaýyr shatqalynda bolyp, zertteý barysymen tanysty.


«Biz bul jumystardan ata-babalarymyzdyń metallýrgııa men taý-ken óndirisin meńgergenin kóremiz. Babalarymyzdyń kenniń syryn jetik meńgergenin dáleldeıtin jádigerler maqtanysh sezimin týǵyzady. Sondaı-aq, sol kezdiń ózinde eńbek bólinisi bolǵanyn baıqaýǵa bolady. Bireý eginshilikpen, bireý metallýrgııamen aınalysqan. Munda óndiristik keshender, metall jáne aýylsharýashylyq ónimderin óńdeıtin sheberhanalar, súıekterdi óńdep, tas quraldar jasaıtyn sheberhanalar, qysh peshteri, temir ustasy bolǵan. Bul bizdiń dáýirimizge deıingi 11 ǵasyrda bizdiń ata-babalarymyzǵa tek kóshpeli ómir saltyn ǵana emes, otyryqshy ómirde qatar alyp júrgenin dáleldeıdi», - dedi Danıal Ahmetov.


Ol tabylǵan zattar týrısterdi tartýǵa taptyrmaıtyn jádiger bolatynyn atap ótti. Kóp uzamaı bul jerden tabylǵan qundy zattardan ekspozıtsııa zaly jasaqtalmaq. Erekshe keskindi proto-qalany shyny kúmbezben jaýyp, aspan astyndaǵy mýzeı etý josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT