Jańalyqtar  >
  Qoǵam

ShQO-da jylytý maýsymy qarsańynda 17 myńnan astam jer úı tekserildi

2022 jylǵy 25 qyrkúıek, 04:05
ShQO-da jylytý maýsymy qarsańynda 17 myńnan astam jer úı tekserildi

ÓSKEMEN. QazAqparat – Shyǵys Qazaqstan oblysynyń qutqarýshylary jylytý maýsymy qarsańynda 17 myńnan astam jer úıge tekserý júrgizdi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, qutqarýshylar jylytý maýsymy qarsańynda pesh paıdalanatyn jer úılerge tekserý júrgizýde. Sondaı-aq olar halyqqa peshti jáne elektr quraldaryn qoldaný erejeleri boıynsha nusqaýlyqtar berýde.

«Tekserý barysynda 1802 úıden órt qaýipsizdigi talaptaryn buzý faktisi anyqtaldy. Onyń ishinde 1613 buzýshylyq peshti, 573 elektr jabdyqtaryn paıdalanýmen baılanysty bolyp otyr. Al qalǵan 171 fakti gaz ballondaryn saqtaý men paıdalaný erejeleriniń buzylýyna, evakýatsııalyq joldarǵa qoqystyń, jem-shóptiń qoıylýyna, úıler arasyndaǵy órtke qarsy aralyqtardyń bolmaýyna qatysty», - delingen aqparatta.

Jalpy búgingi tańda TJD mamandary 17 000-nan astam jer úıdi tekserdi. Aldaǵy jylytý maýsymynda úılerge ýly gazdy anyqtaıtyn 2 myńnan astam datchık ornatylmaq.


Uqsas jańalyqtar
Seriktester jańalyqtary

Jańalyqtar