ShQO-da jasandy jolmen qar túsirildi
2022 jylǵy 20 qańtar 00:28

ShQO-da jasandy jolmen qar túsirildi

ÓSKEMEN. QazAqparat – Shyǵys Qazaqstan oblysynda jasandy jolmen qar túsirildi , dep habarlaıdy QazAqparat tilshisi.

ShQO Tótenshe jaǵdaı departamenti baspasóz qyzmetiniń málimetine súıensek, aýa temperatýrasynyń kúrt jylynýy men qatty jeldiń saldarynan aımaqta qar kóshkini júrý qaýpi týyndaǵan. Osyǵan qaraı «Qazseldenqorǵaý» ShQ fılıalynyń qyzmetkerleri «Óskemen-Samar» tasjolynyń 95-102 shaqyrymynda profılaktıkalyq qar kóshkinin júrgizdi.

«Sonyń nátıjesinde 2780 tekshe metr qar tústi. Jalpy qys bastalǵaly beri oblysta 36 ret jasandy kóshkin júrgizilip, jalpy kólemi 28 160 tekshe metr qar túsirilgen», - dep habarlady vedomstvo ókilderi.

Osy rette, qutqarýshylar óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.


Jańalyqtar

MURAǴAT