+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

ShQO-da jarylystan 7 adamnyń aýrýhanaǵa túsýine baılanysty qylmystyq is qozǵaldy

2019 jylǵy 21 qarasha 12:29
Bólisińiz:
ShQO-da jarylystan 7 adamnyń aýrýhanaǵa túsýine baılanysty qylmystyq is qozǵaldy

NUR-SULTAN. QazAqparat – Shyǵys Qazaqstan oblysy Aıagóz aýdanynyń ákimi Dildábek Orazbaev gaz ballonynan úıi jarylyp, aýrýhanada jatqan otbasyǵa kómek kórsetiletinin málim etti, dep habarlaıdy QazAqparat tilshisi.

«20 qarasha kúni saǵat 20.50 shamasynda Shyǵys Qazaqstan oblysynyń Aıagóz aýdany Aıagóz qalasynda gaz ballonynyń aqaýy kesirinen jarylys bolyp, úıdiń tóbesi, qabyrǵasy qulap túsken. Kúıik jaraqattarymen 7 adam aýrýhanaǵa tústi. Olardyń 4-eýi - bala», - dedi búgin elordada ótken baspasóz máslıhatynda QR ІІM Tótenshe jaǵdaılar komıtetiniń tóraǵasy Vladımır Bekker.

Onyń málimetinshe, úı ıesi – 40 jastaǵy azamattyń denesiniń 38 paıyzy, 65 jastaǵy áıeldiń denesiniń 12 paıyzy, taǵy bir áıeldiń denesiniń 25 paıyzy kúıgen. Budan bólek, tórt bala jaraqat alyp, aýrýhanada jatyr.

«Men bul máselege qatysty mán-jaıdy anyqtap jatyrmyn. Oqıǵa ornynan maǵan baıandalǵanyndaı, úı ıesi dál sol kúni avtogaz beketinen 5 lıtrlik ballondy toltyryp, úıge kire beris bólmege ornatqan. Úıden shyǵa bergen kezde gaz ballony jarylǵan. Bir nusqa boıynsha, ventılden aqaý shyqqan. Qazirgi ýaqytta qylmystyq is qozǵalyp otyr. Tergeý bastaldy. Men buǵan deıin qazirgi normatıvti qujattamaǵa saı, turmystyq gaz ballondaryn avtogaz beketterinde toltyrýǵa tyıym salynǵanyn eskertken bolatynmyn. Ballonǵa belgili bir mólsherdegi gaz quıylýy kerek. Avtogaz beketterinde qandaı ádispen toltyratynyn bilmeımin. Biraq, mundaı jaǵdaıdyń arty osyndaı oqıǵamen aıaqtaldy», - dedi ol.

Aıagóz aýdanynyń ákimi Dildábek Orazbaev zardap shekkenderdiń jaǵdaıyn bilý úshin aýrýhanaǵa barǵan.

«Árıne, bul órt qaýipsizdigin saqtamaǵannan bolyp otyr. Baýyry bútin aǵaıynnyń «bir otbasy aýrýhanaǵa bir mezette túsipti» degenge júregi selt etpeı qoımaıtynyna senimdimin. Búgin osy otbasy músheleriniń halin bilýge aýrýhanaǵa arnaıy bardym. Sondaı-aq, baspanasynyń jaıyn da kórip qaıttym. Álbette, jaǵdaı óte aýyr. Otbasy aman-esen aýrýhanadan shyqqan soń barar jeri joq. Órttiń saldarynan úı turýǵa jaramsyz bolyp qalǵan. Buǵan deıin de úıin órt shalǵan bir otbasyna kómek bergenimizdi bilesizder. Dál solaı bul otbasyn da dalada qaldyrmaımyz. Osy kúnnen bastap barynsha járdemdesetin bolamyz», - dep jazdy ol Facebook-te.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT