ShQO-da jańadan qurylǵan Samar aýdanynyń ákimi taǵaıyndaldy
2022 jylǵy 29 maýsym 18:33

ShQO-da jańadan qurylǵan Samar aýdanynyń ákimi taǵaıyndaldy

ÓSKEMEN. QazAqparat – Shyǵys Qazaqstan oblysy Samar aýdanynyń ákimi bolyp Radjan Seıtqanov taǵaıyndaldy, dep habarlaıdy QazAqparat tilshisi.

Radjan Qaıyrqanuly Shyǵys Qazaqstan oblysy Katonqaraǵaı aýdany Katonqaraǵaı aýylynda dúnıege kelgen.

2008 jyly Almaty energetıka jáne baılanys ınstıtýtyn ınjener mamandyǵy boıynsha bitirgen.

2015 jyly Almaty ekonomıka jáne statıstıka akademııasyn támamdap, ekonomıka jáne bıznes bakalavry atandy.

Eńbek jolyn 2009 jyly «ShQ AEK» AQ jabdyqtardy jóndeý jónindegi elektr slesari bolyp bastaǵan.

Rıdder qalasy ákimdiginiń «Infroservıs» MKK bas ınjeneri bolyp jumys istedi.

2012 jyly Semeı qalasyndaǵy «Bastaý-Semeı» JShS bas energetıgi, Glýbokoe aýdanynyń qurylys, sáýlet jáne qala qurylysy bóliminiń mamany bolyp eńbek etken.

Glýbokoe aýdany ákimdiginiń «Teploenergııa» MKK dırektorynyń mindetin atqardy.

2014-2015 jyldary Katonqaraǵaı aýdanynyń mádenıet jáne tilderdi damytý bóliminiń ınspektory, jetekshi mamany, basshysy laýazymdarynda boldy.

Sonymen qatar Katonqaraǵaı aýdany ishki saıasat, mádenıet jáne tilderdi damytý bólimi basshysynyń orynbasary, Katonqaraǵaı aýdany Katonqaraǵaı aýyldyq okrýgi ákiminiń orynbasary, Glýbokoe aýdany ákiminiń orynbasary qyzmetterin atqarǵan.

Osy ýaqytqa deıin Kókpekti aýdanynyń ákimi laýazymynda eńbek etti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT