+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

ShQO-da jańa týǵan shaqalaqtan koronavırýs anyqtaldy: Óńirler boıynsha málimet

2020 jylǵy 7 maýsym 11:18
Bólisińiz:
ShQO-da jańa týǵan shaqalaqtan koronavırýs anyqtaldy: Óńirler boıynsha málimet

NUR-SULTAN. QazAqparat – Bir táýlik ishinde óńirlerde anyqtalǵan koronavırýs ınfektsııasyn juqtyrý oqıǵalary boıynsha málimet berildi, dep habarlaıdy QazAqparat.

Uqsas jańalyqtar
Atyraý oblysy koronavırýs juqtyrýdan kósh bastap tur Eraly  Toǵjanov Atyraýdaǵy epıdemıologııalyq ahýalǵa qatysty shuǵyl jıyn ótkizdi Juqpaly aýrýlar statsıonarlary birneshe deńgeıge bólinedi - Alekseı Tsoı

Ótken bir táýliktiń ishinde koronavırýs elimizdiń 16 óńirinde 183 adamnan anyqtalǵanyn (ınfektsııa sımptomdary bar) buǵan deıin jazǵan bolatynbyz.

Koronavırýstyń taralýyna jol bermeý jónindegi QR Úkimeti janyndaǵy vedomstvoaralyq komıssııanyń Telegram-daǵy aqparatyna súıensek, Shyǵys Qazaqstan oblysynda indetke shaldyqqan 8 adam tirkeldi. Olardyń barlyǵy Semeı qalasynda anyqtalyp otyr.

Naýqastardyń ishinde 2 bala bar: 1 jasar jáne jańa týǵan shaqalaq.

Úsh naýqastan analız koronavırýspen aýyrǵan adammen qarym-qatynasta bolǵany úshin alynsa, qalǵan 5 adam densaýlyq jaǵdaılaryna baılanysty óz betimen tekserilgen.

«Qazirgi ýaqytta qaýipti vırýsty juqtyrǵandardyń barlyǵy ınfektsııalyq statsıonarǵa jatqyzyldy. Olarmen baılanysta bolǵan adamdarǵa epıdemıologııalyq jáne medıtsınalyq tekserý júrgizý úshin TKQSQB aýmaqtyq basqarmasynyń mamandary men medıtsına qyzmetkerlerinen quralǵan mobıldi top uıymdastyrylyp, oshaqtarǵa dezınfektsııa jasady. Epıdemıologııalyq tekserý jáne epıdemııaǵa qarsy sharalar jalǵasýda», - delingen málimette.

Sońǵy derek boıynsha, ShQO-da koronavırýs ınfektsııasymen jalpy 185 adam tirkelgen, olardyń ishinde saýyǵyp shyqqandar sany — 63.

Shymkent qalasynda COVID-19 indeti 10 adamnan anyqtaldy. PTR-dıagnostıkalyq zertteý nátıjeleri boıynsha dıagnoz 30-63 jas aralyǵyndaǵy 5 áıelge, 22 jáne 65 jastaǵy eki er adamǵa, sondaı-aq 14 jasqa deıingi 3 balaǵa qoıyldy. Olardyń barlyǵy ınfektsııalyq statsıonarǵa jatqyzyldy.

«Qazirgi tańda naýqastardyń jaǵdaıy qanaǵattanarlyq. Bekitilgen hattamaǵa sáıkes tıisti em júrgizilýde. Profılaktıkalyq is-sharalardy júrgizý úshin naýqastarmen qarym-qatynasta bolǵan adamdar anyqtalýda. Aýrý oshaqtarynda dezınfektsııa júrgizilip jatyr», - delingen vedomstvoaralyq komıssııa aqparatynda.

Shymkent qalasynda búginge deıin koronavırýs ınfektsııasymen jalpy 942 adam tirkelgen, olardyń ishinde 412-si jazylyp shyqty.

Al Almaty oblysynda koronavırýske bir táýlikte 4 adam shaldyqty. Olardyń úsheýi – Taldyqorǵan qalasynan, bireýi Alakól aýdanynan anyqtaldy.

«30 jáne 42 jastaǵy eki er adam jáne 45 jáne 63 jastaǵy eki áıel dene qyzýynyń kóterilýine, álsizdikke, tamaq aýrýyna shaǵynyp, jedel járdem qyzmetkerlerin shaqyrtqan. Qazir olar JRVI jáne pnevmonııa dıagnozymen juqpaly aýrýlar bólimine aýystyryldy», - delingen málimette.

Almaty oblysynda qaýipti ınfektsııany búginge deıin 426 adam juqtyrǵan. Onyń 267-i jazylyp shyqty.

Qaraǵandy oblysynda sımptomdy koronavırýs ınfektsııasy 24 adamnan anyqtaldy.

«PTR-dıagnostıkalyq zertteý nátıjeleri boıynsha 24 adamda COVID-19 vırýsy anyqtaldy. Tirkelgen jaǵdaılar skrınıng barysynda jáne buǵan deıin aýyrǵan adamdarmen jaqyn baılanysta bolǵandardy tekserý nátıjesinde anyqtaldy. Atap aıtsaq, Qaraǵandy qalasynda – 7 adam, Temirtaý qalasynda – 11, Shahtınsk qalasynda – 1, Sátbaev qalasynda – 4, Qarqaraly aýdanynda– 1 adam tirkeldi. Barlyǵy juqpaly aýrýlar statsıonaryna jatqyzyldy. Qazirgi ýaqytta naýqastardyń jaǵdaıy qanaǵattanarlyq, em alyp jatyr. Aýrý oshaqtarynda dezınfektsııa jasaldy», - delingen taratylǵan baspasóz habarlamasynda.

Sońǵy málimetke sáıkes, Qaraǵandy oblysynda ınfektsııa jalpy 1129 adamnan anyqtaldy, olardyń ishinde 5 adam qaıtys boldy jáne 442 patsıent jazylyp shyqty.

Túrkistan oblysynda koronavırýs ınfektsııasymen 3 adam tirkeldi. Olar Kentaý qalasynyń 40 jáne 58 jastaǵy, Túrkistan qalasynyń 47 jastaǵy turǵyndary.

«Qazirgi tańda naýqastardyń jaǵdaıy qanaǵattanarlyq, oqshaýlanyp, bekitilgen hattamaǵa sáıkes tıisti em alyp jatyr. Olarmen jaqyn baılanysta bolǵan azamattar anyqtalyp, medıtsınalyq baqylaýǵa alyndy. Aýrý oshaqtarynda dezınfektsııalyq jumystar júrgizilýde», - delingen aqparatta.

Búginge deıin Túrkistan oblysynda qaýipti indet barlyǵy 395 adam anyqtalǵan, olardyń ishinde jazylyp shyqqandar sany — 256 adam.

Aqmola oblysynda ınfektsııa Astrahan aýdanynyń 48 jastaǵy turǵynynan anyqtaldy. Er adam Nur-Sultan qalasyndaǵy týysqanynyń úıine barǵan. Naýqasta indettiń aıqyn belgileri bolǵan: dene qyzýynyń 38° kóterilýi, tumaý, tamaqtyń, bastyń aýyrýy, jalpy álsizdik.

«Bul - Astrahan aýdanynda tirkelgen alǵashqy jaǵdaı. Azamat emdelý úshin Kókshetaý qalasyndaǵy Aqmola oblystyq týberkýlezge qarsy dıspanserge jiberiledi. Úı oshaǵynda indetke qarsy is-sharalar júrgizildi. Onymen jaqyn jáne yqtımal baılanysta bolǵan adamdardy anyqtaý boıynsha sanıtarlyq-epıdemıologııalyq tekserý jumystary naýqastyń turǵylyqty jeri men jumys orny boıynsha júrgiziledi, dezınfektsııa jasalady», - dep málim etildi.

Jalpy Aqmola oblysynda indetti juqtyrýdyń 175 oqıǵasy tirkeldi. Olardyń ishinde 138-i jazylyp shyqty.

Atyraý oblysynda koronavırýs ınfektsııasynyń aýrý belgilerimen 6 adam anyqtaldy.

«COVID-19 vırýsymen 4 adam Qurmanǵazy aýdanynda tirkeldi. Olardyń úsheýi JRVI sımptomdarymen ózdiginen medıtsınalyq kómekke júgingen. Al bireýi buǵan deıin koronavırýspen aýyrǵan naýqaspen baılanysta bolǵan. Sondaı-aq ınfektsııa 1980 jylǵy Atyraý qalasynyń turǵynynan,1945 jylǵy Jylyoı aýdanynda turatyn zeınetkerden tabyldy. Olar profılaktıkalyq maqsatpen tekserýden ótken. Qazirgi tańda naýqastar ınfektsııalyq aýrýhanaǵa oqshaýlandyrylyp, hattamaǵa sáıkes em qabyldap jatyr. Aýrý oshaqtarynda epıdzertteý, dezınfektsııalyq jumystar júrgizilip, olarmen qarym-qatynasta bolǵandar anyqtalýda», - delingen aqparatta.

Atyraý oblysynda búgingi deıin COVID-19 ınfektsııasy jalpy 1202 adamnan anyqtaldy, jazylyp shyqqandar sany — 769.


Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT