ShQO-da úzdik tergeýshi men anyqtaýshy marapattaldy

ÓSKEMEN. QazAqparat – Shyǵys Qazaqstan oblystyq Polıtsııa departamentinde ótken saltanatty sharada 2020 jyldyń úzdik tergeýshisi men anyqtaýshysy marapattaldy, dep habarlaıdy QazAqparat tilshisi.

Uqsas jańalyqtar

ShQO-da názik jandylar Qarýly Kúshter qatarynda jemisti eńbek etip júr

Ásem Máýitqazy úıinde 10 myń túpke jýyq qyzǵaldaq ósirip otyr - ShQO Mereke qarsańynda eriktiler elorda bazarlarynda jumys isteıtin áıelderge gúl taratady Qazaqstandyq 12 jasar ánshi qyz Reseıdiń «Golos. Detı» baıqaýyna joldama aldy

Sharada qylmystyq isterdi sapaly ári zańǵa sáıkes tergep, sotqa kóp is joldaǵandar marapattaldy. Ótken jyldyń nátıjeleri QR ІІM ádistemesi boıynsha reıtıngtik esepteýlermen anyqtalǵan.

«Semeı qalalyq Polıtsııa basqarmasy Áýezov polıtsııa bóliminiń tergeýshisi, polıtsııa aǵa leıtenanty Álibek Serǵazın Shyǵys Qazaqstan oblysynyń úzdik tergeýshisi bolyp tanyldy. Semeı qalalyq Polıtsııa basqarmasy Áýezov polıtsııa bóliminiń anyqtaýshysy, polıtsııa kapıtany Dáýlet Slıamov Shyǵys Qazaqstan oblysynyń úzdik anyqtaýshysy atandy. Sonymen qatar Rıdder qalalyq Polıtsııa bóliminiń tergeý bólimshesi úzdik tergeý bólimshesi atalymynda úzdik shyqsa, Glýbokoe aýdandyq Polıtsııa bóliminiń anyqtaý bólimshesi úzdik anyqtaý bólimshesi atanǵan», - dep habarlady ShQO PD baspasóz qyzmeti.

Budan bólek, Tergeý basqarmasynyń aımaqtyq baqylaý bóliminiń asa mańyzdy ister jónindegi aǵa tergeýshisi polıtsııa maıory Ásel Qalııakperova men Anyqtaý basqarmasynyń aımaqtyq baqylaý bóliminiń aǵa anyqtaýshysy, polıtsııa maıory Laýra Qasymbaevaǵa gramota berildi.

Aıta keteıik, marapattaý rásiminde barlyq sanıtarlyq talaptar saqtalǵan.