ShQO-da tehnıkalyq maman sanyn arttyrý úshin jazǵy ınjenerlik mektep ashyldy
2022 jylǵy 5 shilde 22:51

ShQO-da tehnıkalyq maman sanyn arttyrý úshin jazǵy ınjenerlik mektep ashyldy

ÓSKEMEN. QazAqparat – Shyǵys Qazaqstan oblysynda keleshekte tehnıkalyq baǵyttaǵy maman sanyn arttyrý úshin jazǵy ınjenerlik mektep ashyldy, dep habarlaıdy QazAqparat tilshisi.

EKTU Educational Academy jazǵy ınjenerlik mektebinde oqýshylar fızıka, matematıka, ınformatıka pánderin tereńdetip oqıdy. Oqýshylarǵa tujyrymdamalyq ınnovatsııalyq zertteýler men ǵylymı jańalyqtarǵa baǵyttalǵan bilim men daǵdylardy alýǵa múmkindik ashylyp otyr.

Jobany ShQO Bilim basqarmasy jáne D.Serikbaev atyndaǵy ShQTÝ birlesip júzege asyrýda. Basqarma basshysy Saırangúl Jumadilovaniń aıtýynsha, bolashaq tehnıkalyq mamandardy oqytýdyń mańyzdylyǵy zor.

«Memleket basshysy Qasym-Jomart Toqaev tehnıkalyq mamandyqtarǵa barynsha kóńil bóliný qajettigin aıtqan bolatyn. Jazǵy ınjenerlik mektep «Prostor» ekspedıtsııalyq kampýsynda, Buqtyrma sý qoımasynyń jaǵasynda ornalasqan. 100-den astam oqýshy óz bilimderin keńeıtip qana qoımaı, jańa oqý jyly bastalar aldynda demalyp, kúsh-qýat jınap qaıtady», - dedi ol.

Aıta keteıik, bıyl ShQTÝ bazasynda jelilik ınjenerlik mektep ashylǵan bolatyn. Osy ýaqytqa deıin 200-ge jýyq pedagog arnaıy biliktilik arttyrý kýrstarynan ótti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT